دكتور إخصائي لعلاج لحمية الانف عند الاطفال في ابوظبي او الامارات المجاوره 2024.

السلام عليكم ورحمة الله وبركاته
خواتي العزيزات الله يرحم والديكم منو تعرف دكتور اخصائي او استشاري لعلاج اللحمية عند الاطفال،عندي ولد عمره 7 سنوات يعاني من اللحمية من هو وصغير ونصحون اكثر من دكتور ما تنعمل العمليه إلا يوم يكبر ،بس ما يقدر ينام في الليل وتسبب له صداع وعدم نمو في الجسم .
إفيدوني جزاكم الله خيرا.

ان شاءالله يساعدوووونج

حسا عنايه في مستشفى الامارات الفرنسي

أقصد حسااام

آسفه ^_^

مشكورات خواتي اللي ردو علي بس احد كشف عند د/حسام او اجرا عمليه ،وكيف النظام عنده بمواعيد واذا تعرفين رقم تلفونه يكون احسن عطيني عالخاص.
ودمت سالمين.

السلام عليكم.. الغالية انا عرف دكتور اخصائي أنف و اذن و حنجرة في بوظبي..اسمه دكتور محي الخياط.. عيادته في شارع النجدة بناية ميلانو.نكست.مذركير
بصراحة الدكتور شاطر ..ولد أخت ريلي عمره سنتين وشهرين امسوية عملية لولدها من3 اسابيع تقريبا..الولد كان فيه لحمية والتهاب في اللوزتين..وبعد الكشف عالولد قال الدكتور انه يحتاج استأصال اللوزتين واللحمية… والحمد الله كانت العملية في مستشفى النور بسيطة وماخذت اكثر من ساعة..والولد طلع من المستشفى نفس اليوم المغرب …والحين ولد أخت ريلي بخير ويتنفس احسن من اول ويرقد مرتاح بدون شخير ..

انصحج بالدكتور حسام الي فى مستشفى الامارات الفرنسى الصراحه وايد شاطر ولازم تسوين موعد اتصلى على البداله وبيعطونج الرقم واذا عندج بطاقه ثقه بيكشف وبيسوى العمليه مجاننا سوا عمليه اللحميه لثنين من عيالي الاول بو 7 سنوات والثاني بو 1سنه الي بو سنه قبل العمليه كان وايد تعبان كله يرجع وقالى اللحميه سكرت على حلجه واثر على سمعه والحين الحمد لله نومهم زين ومرتاحين الله يشفى ولدج وصلى صلاة الاستخاره وتوكلى على الله