انا انا من طبعي الغيره انا اغااااااااار كثير من اختي 2024.

انا بنتحر اقسم بالله اني افكر انتحر

حبوبه انتي تدورين على حل وهذا اللي تقولينه ابدااااا مب حل لمشكلتج ؟؟؟؟؟؟؟؟

ليش ما تتقربين من اختج وتشوفينهااا شو طريقتها لكسب رضى امج بسرعه …وانتي سوي مثلهاااا
ليش ما تكونين قريبه من الوالده اكثر من اختج ..
والله ما ادري شووو اقولج ؟؟؟؟؟ بسسسسسسسسسسسس ع فكره ليش اصلاااا ما تصارحينهم بالاحساااس اللي فيج اتجاهم ….يمكن يحسووون فيج ….

والله المستعاااااااااااااااااان

اممممممممممم انا اقول مب انتي ولا بس امج…اصلا البنت الكبيرة تكون مقربه للام اكثر من البقية…ليش؟؟؟ لان قبل ما انتو تنولدون تكون معتمده عليها في كل الشي البيت وتربيتكم وحتى الحين يوم تطلع تكون واثقه ان عيالها عند اختهم العوده….لاتقولين ما تهتم فينا بالعكس بس يمكن اختج شايله نص الحمل عن امج وامج قاعده تعوضها او يمكن تشجعها باسلوبها…. وبس

السلام عليكم ,, اختي رغوده ,,, اول ما قريت موضوعج تعاطفت معاج ,, ولما قريت شو سويتي بأمج عرفت انج انتي السبب باللي يصير لج .. يعني حد يقفل على امه الباب؟؟؟؟ ,,,, منعتيها من الشغل وانتي تعرفين ان ارواح ناس متعلقه فيها ,, وبعدين كيف تفرضين عليها شو تسوي .. مايصير ابدا

مادري حبوبه بس راجعي تصرفاتج مع امج وطيعيها وبردي قلبها اسلوب ,, اسلوب فرض الرأي والمعاند مايساعد بشئ بس يزيد المشاكل

وبعين ليش تغارين من اختج؟ تمني لها الخير ,, واعتقد الام دايما قلبها يتسع لكل عيالها حتى لو ابدت اهتمام بواحد منهم اكثر …………

وشكرا

هلا اختي رغوووده حلو الواحد يوم يغار بس طبعا كل شي يزيد عن حده ينقلب ضده..وانتي غيرتج زايده عن اللزوم …لازن تغيرين طبعج عيل باجر يوم بتعرسين ان شاء الله شو بتسوين؟؟؟ بعد بتحبسين ريلج؟؟؟فكري شوي وخلج طبيعيه ويا امج واختج وحاولي تشاركينهم في كل شي وبتروح ان شاءالله الغيره منج

فديتج والله نفس مشكلتي … أمي وأختي اللي أكبر مني …. كل شي من حظها الهدايا الحب الحنان وأنا ولا الحيطة الهبيلة البيت ……… لكن الحمد لله ما اغار مني اختي … ما تهمني اذا كانت هيه تاخذ هدايا وانا لا … ما اهتم اذا اشوف الوالدة تفضلها علي …. لو اقولج ما تصدقين تخرجنا انا ياها ي نفس السنة مع اني هيه اكبر وانا اتخرجت بامتياز هيه لا ، والله
خذت طقم على الجاهز وانا حتى مبروك ماسمعتها منها …. انت حالج اهون احيانا حتى الضرب انضرب علشانها … بس الحمد لله صدقيني اني مب مهتمه نهائيا …. ولا اغار من اختي ولا شي …. بالعكس اشوف نفسي احسن عنها مليون مرة
تعرفين فديتج … اختي حصلت كل شي على الجاهز دراستها سيارتها حتى اللاب توب …. اما انا ولله الحمد من مصروفي ادرس على حسابي … ادش جمعيات في المنتدى مع الخوات وادفع اقساطي …. والحمد لله قبل فترة حصلت الماجستير وبامتياز
أما الوالدة فأعاملها بما يرضي ربنا أهم شي ماتقصرين في حقها ، واذا هيه قصرت تدعين لها بالهداية …
صدقيني حطي اهم شي في بالج مرضاة ربج ولو هالفكرة ترسخت في راسج لا بتغارين من اختج ولا اي شي ..

شوفي شو الأسباب اللي اتخلي امج اتحب اختج أكثر منج
مع انج أصغر منها و بالعادة الحب و الحنان يكون أكثر للأصغر
أكيد إنتي مطلعه روحها و ما تسمعين الكلام أكيد.اتقربي من امج بالكلمة الحلوة ,حسسيها انج محتايه لها دووووووم و اتوددي لاختج هاي اختج ياما لعبوا مع بعض و ضحكتوا مع بعض لا اتخلين الشيطان يدخل بينكم بحجة الغيرة
و ربي يحفظج

في البداية تعاطفت معاج.. بس الحين بعد ماقريت ردودج تغير رأيي

أختي انتي شكلج عندج اضطرابات وايده.. أحسج كأنج مراهقه ما اصدق انج معلمة وحرمة كبيرة ومتزوجه

ودامج متزوجه ليش ما توجهين هالحب والغيره لريلج.. وليش بعدج ساكنه عن هلج؟

وانا ما الوم امج اذا ما كانت تهتم فيج مثل اختج الثانية…تصرفاتج هي الي تنفرها..يعني شو بيضرج لو خلييها تروح الدوام… ترى انتي بعد تداومين…ولما قفلتي عليها تراج ما شفتيها… وشو كان بيضرج لو عطيتي امج السماعه تكلم ربيعتها.. باي حال هي دقت على موبايلها… لا تلومين امج اذا عاملتج بطريقه مب حلوه أو ما شلتج معاها لما تطلع…هي تبى حد يسولف ويضحك ..ما تبى حد متغصص وينكد عليها الرحلة ويقيد تصرفاتها…

غيري من شخصيتج… وانضجي … وبتشوفين اللي حولج تغيروا معاج

وسمحيلي على اسلوبي اذا كان جاف معاج ..بس والله قصدي النصيحه بس