وخاصة موضوع الاخت ( لمعة الماسة ) اللي يسامحج ذبحتيني بموضوعج
حبيباتي عضوات منتدى سيدات الامارات .. حابه اطرح هالموضوع واتمنى الاستفادة للجميع
وانشالله بعد الموضوع بنتناقش في هالنقاط اللي بذكرها بعد هاي المقدمة ..
النقطة الاولى والمهمة : الجماع
خلونا صريحات مع بعض اغلبيتنا يتمنع ويرفض هالشي لكثرة المشاغل او بحجة التعب او فعلا التعب والارهاق الحقيقي او لوجود الاطفال او لعدم وجود الوقت الكافي وووووووو الى ان ينتهي المطاف بالريال الى النوم حليله وهو يتريا ومب بعدها الريال يفكر وربعه ما يقصرون في تزيين الافكار الحلوة له بخصوص الخيانة او الحصول على الشي ما قدر يحصل بالحلال بيحصله بالحرام لا واللي بتعطيه هالشي بتتفنن فيه مب حرمته يله بسرعة وتتريا متى بيخلص وبالها مب معاه .. صدقوني اعرف وحده الله يستر عليها في يوم من الايام كانت هاي حالته الى ان بدت تشترك في المنتديات اللي تثقف من الناحية الجنسية وعرفت ان هاللي تسويه غلط وبدت تتفنن له في الجماع وتبحث عن الطرق اللي تقدر تسعد فيها زوجها وشو اللي يحب الريال اكثر شي وووووو وغيرها من المواضيع اللي الجميع غافل عنها وبدت تتفاعل وياه وتحب هالشي وهي اللي ما كانت تحبه تعرفون ليش حبته لان زوجها يحبه وعلشان ما يروح يدور عليها من عيال الحرام .. وصار ريلها مثل الخاتم بايدها وهذا ما يسمى بالسحر الحلال .. صدقوني الريال يتزوج علشان يرتاح من هالناحية واللي يخليه يخون انه ما يحصل اللي يباه او اللي يتخيله .. احيانا بعيد عن الاطفال وفي جو هادي انتي وياه بروحكم اسأليه شو اللي تحبه وقت الجماع شو تباني اسوي لك طبعا بس الحلال ولو طلب شي محرم أعطيه كف على بوزه يعني لا يمصخها وانتي اطلبي منه الاشياء اللي تحبينها لا تقولين عيب ما فيها شي هذا زوجج واذا ما كنت وياه على هالحال ويا منو بترمسين فهالسوالف لا تقولين ما اتخيل وغيرها لان هذا واقع وعصرنا تغير عن قبل يعني لا تفكرين تفكير الام واليده انج عيب تبوسينه وعيب تحضنيينه وغيرها هذا العصر اندثر وولى والريال يبحث عن الجريئة اللي تسعده مب تغصص عليه !! فاجئيه بجرئتج حبه حبه يعني مب مره وحده تصدمينه بيتخبل !.. وطبعا الموضوع هذا لو اتم اتكلم فيه ما بخلص لانه طويل والكلام فيه يزيد وبصراحة في مواضيع حلوة فاتتكم في دورة الرومانسيات تتكلم عن هالمواضيع المفيدة من هالناحية ..
خلوني اشوف تفاعلكم وردودكم على النقطة الاولى وبكمل النقاط الباقية
معلومة : الموضوع اعلاه غير منقول وانا اللي طرحته وذكرت لكم الاسباب في المقدمه
:22 (8): في انتظار مشاركاتكم:22 (8):
شوق وبس:22 (25):
وتسلم اناملج على هالكلام الطيب
لأن بنات الحرام وااايد هالايام ويغرون الريال والشيطان شاطر
فانا راي من رايج ان الحرمة لازم تصارح ريلها وقت الجماع شو يحب وشو مايحب
وانا وحده جريئه بس احيانا الريال ما يشجع على ها الشي
وتلوع جبودنا منهم وين بعد الريال اللي يتنقد على كل شي !!؟ بس يتحملها أرفها ليش مب عشان
سواد عيونها عشان يوصل للي يباه ويرتاح ويمارس وياها كل الحركات ويتفنن فيها لان عارف
ومتأكد انه لو قال حق حرمته سوي هالحركة بتقول لا وعيب واستحي وما اتخيل وغيرها من الردود
اللي كلنا عارفينها وحافظينها .. والله ما ترزا انج تردينه وما تعطينه اللي يباه ومب اليوم كله كم مره في الاسبوع وما ياخذ من وقتك ألا ساعة او اقل .. هاذي السعادة بالنسبة له ولج انتي بس بعد ما
تكتشفينها .. لانج لو حطيتي في بالج تحبين هالشي علشان زوجج والله انج بتبدعين فيه بدون ما حد
يعطيج أفكار او حركات .. اللي يحب الشي يتفنن فيه فشو المانع انج تحبين الشي اللي يحبه زوجج
وأصلا هذا الشي اذا حبيتي بعدها بتكتشفين السعادة الزوجية لانها تكمن في هذا الشي اللي يزيد محبة الزوج لزوجته ويكبرها في عينه..
يله شاركونا بآراءكم :1 (8): :1 (7): :1 (34):