طبعا بنات انا يديده فهالمنتدى مسجله جريب ..
والصراحه وايد عيبني لانه اشوفه اغلبه ماشاءالله بنات البلاد
بنـــــــــــــــات زايد ربي يرحمه ويغفر له قولو آمين ..
طبعا على قولتهم الجواب مبين من عنوانــــــــــــــه …
طبعا سؤالي او فتحي لهالاموضوع ومناقشته ما يا من فراغ ..
الا اني جريب ان شاء الله بتزواج من انسان من غير امارتي ..
الصراحه نحن راضيين عن بعض والحمدلله الامور متيسره ..
بس احيانا افكر فر موضوع انه من غير امارتي وكيف اني بتأقلم وياهم وكيف انهم بيتأقلمو وياي طبعا هم من مب من الاهل …
فما ادري بغيتكم الجميع تشاركو سواء ان كنتو مثلي او تعرفو حد له تجربه او حتى براي شخصي لكم ..
يعني كيف من ناحية متى اتيين لاهلج ..
وكيف اتاقلمتوو ..
وطبعا العيال شو شعورهم ..
ما ادري فكل شي يخطر عبالكم ساعدوني به ..
اتعرفون عاد اللي يقبل عتجربة يديده لازم يحاتي
والسموحه منكم ..
ياهلا بج ومسهلا
والف مبروك مقدما
والله يتمم عليج بالخير
انا من عيمان ومتزوجه واحد جوازه من بوظبي وهله بعد
بس تراه ولد خالتي يعني مش غريب الحمدلله
واختي نفس الشي متزوجه اخو ريلي ماشاء الله
يعني الحال من بعضه
بالنسبه للروحات والزيارات
لأني حاليا انا في الغربيه فـ في الشهر انزل عيمان مرتين
يعني اسبوع هيه واسبوع لا
بالاضافة الى الاجازات (الاتحاد) واجازة ( الربيع) اما الاجازه الصيفيه انقسمها لـ 3 ^____^
عيمان ( مسقط راسي) وبوظبي (عند اهله) و (السفر)
يعني الامر بالنسبه لنا محلول ومتفق عليه
وياهلا بج غلاي
أنا من دبي وأهل ريلي من العين بس أنا وزوجي ساكنين في دبي………….لكن كل أسبوع لازم انروح العين أنسلم عليهم يعني يانروح الخميس ونرد الجمعه أو نروح الجمعة ونرد السبت أو إذا عدنه شغل أنروح ونرد في نفس اليوم..
بس أحيانا أيصادف أن عدنا ظروف او الصغيروني تعبان فنضطر ان مانروح…………
أتمنى اني قدرت أفيدك……
أنا بخبرج بسالفتي بس لا تزعلين…أنا أعرف وحده معلمة مواطنه وريلها سوري …بس اتبهدلت وياااااه وللحين هم من محكمة لمحكمه وعيالها عندهم الجواز السوري …
انشاء الله انتي تكونين غير عنها ….الله يسير لج أمورج وتتهتنين بزواجج وألف ألف مبرووووك مقدما
المشاركة الأصلية كتبت بواسطة هنودة1985 
أنا بخبرج بسالفتي بس لا تزعلين…أنا أعرف وحده معلمة مواطنه وريلها سوري …بس اتبهدلت وياااااه وللحين هم من محكمة لمحكمه وعيالها عندهم الجواز السوري …
انشاء الله انتي تكونين غير عنها ….الله يسير لج أمورج وتتهتنين بزواجج وألف ألف مبرووووك مقدما
عزيزتي..
هي تقصد انها من امارة وزوجها من امارة ثانيه 
الا اني جريب ان شاء الله بتزواج من انسان من غير امارتي ..
الصراحه نحن راضيين عن بعض والحمدلله الامور متيسره ..
بس احيانا افكر فر موضوع انه من غير امارتي وكيف اني بتأقلم وياهم وكيف انهم بيتأقلمو وياي طبعا هم من مب من الاهل …
وعرست لواحد من الاهل بدبي
وعايشيين بدبي
بالنسبة للزيارات
بالشهر مره
وبالاجازات 3ايام الى اسبوع
بالنسبة لي اشتاق لاهليه وايد
وساعات احتايهم وهم بعيد
يعني اللى اهلها جريب احسن بوايد
والحمدلله
اترا انا ساعات افكر كيف بدر ابعد عن اهل او كيف هو بيبعد عن اهله ..
ان شاء الله ما يكون هالشي عائق لنا فزاوجنا ..
وطبعا هوو من الامارات بالنسبه للاخت اللي قالت انه مب اماراتي
بس اختي انا اقصد انه من اماره غير امارتي ..
يزاكم الله خير ..
ويا ريت من الاخوات اللي عندهم تجارب يفيدوني ويفيدون الجميع طبعا