اشحالكن ..
انا بصراحة من زمان فخاطريه انزل هالموضوع لنكن خواتيه واللي يصير
مول مب عايبنيه .. أدري بعضكم مابيعيبه الموضوع .. بس هالواقـع
والحق ماينزعل منه ..
الطرح اللي ابغي اطرحه يخص هالنقط :-
1- بنات الحقو عليه ريلي يخوني … الخ
2- بنات انا احب فلان بس …. الخ
3- بنات ريلي مادري شو بلاه … الخ
وانا ماحبيت اوضح زيادة .. عسب ماحد يتحسس
بس انتي ياللي كتبتي مشكلتج وعرضتيها …
ادري كان هدفج انج تشوفين نصايح البنات والحريم اللي عندهن خبره
بس لو ريلج كان يدري بهالمواضيع .. وانج تتشكين فالنت .. هل بيرضى؟!
مابغي وحدة تقص على عمرها وتقول ريلي بيرضى .. شي من الرياييل
عادي من اقل شي يكسر حرمته لو عرف .. وشي منهم عادي عندهم .. وانا
بصراحة أشوف هذا مايغار على حرمته ..
بتقولين انزين وين اسير اشتكي لمنوه ..
والله عندج مراكز متخصصة لهالسوالف وناس معروفين امثال وداد لوتاه و المحرزي و و و
وايد ناس ثقة .. ومكثرهم بعد ..
بس انتي يعيبج تعرضين مشاكلج وتخلين الساير والراد يطمش على سالفتج ..
هاللي كنت ابغي انبه له .. خليج انانية فهالسوالف .. وان مشاكلج ماظهرينها برع البيت ولأي حد
انتي يمكن واثقة منا ومن حرمي المنتدى .. بس الواحد يأمن على عمره بعد
بتقولين عضويتي مجرد نك نيم ومحد يعرف امنوه ورى هالنك ..
بس انتي من داخلج عارفة عمرج .. وعارفة اللي مسوتنه .. واتذكري ريلج لو يعرف عادي عنده؟
لو خاين لو عصبي لو شو مايكون بس مب من حقي انشر مشاكلي برع .. كل شي وله حل
انتظر تفاعلكن .. ومابغي حد يزعل مني لنه هذا حق .. واللي بتزعل .. على هواها :1 (28):
بس خليني اقوولج شي مب لازم كل اللي ينكتب من عرض مشاكل بالضروورة يكون صح .. احيانا الوحده تفتعل قصص من وحي خيالها … عاد هاي وحده مريضه تحب تسوي سسبينس وحركه في المنتدى هههه
واحيانا الوحده ماتلقى حد تستشيره فتضطر تنزل الموضوع في المنتدى .. يعني وايد بتلاقين وايد بنات ماعندهن فكرة عن الاستشاريين الاسريين .. مثلا انا وحده بكل صراحه ماعرفت الا من فترة بسيطه من ربيعتي شجون الامارات وهي عضوة معانا في المنتدى..
عموووما عن وجهة نظري… الحينه اشوفها غلطه يوم الوحده تنزل مشكلتها في النت ولو تشابهت المشاكل في كل بيت بس بعد مايمنع ان الريل مايتعرف عليج او حد من صوبج او صوبه…
وغير جذه الناس الي تدخل المنتدى ماتكون مؤهله انها تنصحج بشي .. يعني مثلا بتلاقين بنات صغار وفي اللي ماعندهن خبرة وفي اللي بتستهبل عليج .. واللي بترد عليج بدون عقلانيه .. واللي واللي…
احسن حــل… تلجأة الوحده لناس معتمده لما بتنصحج بتنصحج للرايت باث مب حي الله ..
^_^
وان شاء الله بتحصلين تفاعل من البنات
المشاركة الأصلية كتبت بواسطة مي الاماراتية 
بس خليني اقوولج شي مب لازم كل اللي ينكتب من عرض مشاكل بالضروورة يكون صح .. احيانا الوحده تفتعل قصص من وحي خيالها … عاد هاي وحده مريضه تحب تسوي سسبينس وحركه في المنتدى هههه
واحيانا الوحده ماتلقى حد تستشيره فتضطر تنزل الموضوع في المنتدى .. يعني وايد بتلاقين وايد بنات ماعندهن فكرة عن الاستشاريين الاسريين .. مثلا انا وحده بكل صراحه ماعرفت الا من فترة بسيطه من ربيعتي شجون الامارات وهي عضوة معانا في المنتدى..
عموووما عن وجهة نظري… الحينه اشوفها غلطه يوم الوحده تنزل مشكلتها في النت ولو تشابهت المشاكل في كل بيت بس بعد مايمنع ان الريل مايتعرف عليج او حد من صوبج او صوبه…
وغير جذه الناس الي تدخل المنتدى ماتكون مؤهله انها تنصحج بشي .. يعني مثلا بتلاقين بنات صغار وفي اللي ماعندهن خبرة وفي اللي بتستهبل عليج .. واللي بترد عليج بدون عقلانيه .. واللي واللي…
احسن حــل… تلجأة الوحده لناس معتمده لما بتنصحج بتنصحج للرايت باث مب حي الله ..
^_^
وأنا وياج .. قبل انا بعد كنت اشوفها عادي بس من ملجت حسيت هاشي مب عادي حتى ريلي واقولها بصراحة قال انسي انج تكتبين شي عنا فالنت .. يعني محد يرضاها .. ونصهن بينصحنج نصايح يمكن تزيد الطين بلة ..
لاهنتي على ردج .. زين يوم رديتي ولا كنت بقرصج :1 (28):
المشاركة الأصلية كتبت بواسطة سمــ الرياض ـاء وان شاء الله بتحصلين تفاعل من البنات
تسلمين اختيه على مرورج الطيب
واتريا وجهة نظرج
المشاركة الأصلية كتبت بواسطة نور الأمل و الصداقه لابد منها
و الإحتراس ع النت بعد لابد منه
و مثل ما قلتي ما تعرفين شو ورى هالنيك
الشين شين و الزين زين
و الله يجيرنا من خراب البيوت
تشكراااااااااااات اختي ع
الموضوع الحلو و المفيد
صدقج اختيه ويشرفني ردج الطيب
بس الي اشوفه ان الوحده تفضل وترتاح وتفضفض للي ماتعرفها اكثر من اللي تعرفها,,وبعدين مو شرط هي تنفذ كل اللي ينقالها يمكن بس تبي تشكي حالها وتقول الي ف قلبها علشان ترتاح نفسيا وتحس ان ف بنات يهتمون ويحبون يساعدونها,,هاذي العاقله الي ماتطبق كل شي ينقالها على زوجها وعيالها وف بيتها اما اذا كانت من النوع الي من بعد كل كلمه راحت ونفذت الكلام على اسرتها ف من الافضل انها ماتكتب مشكلتها او تطلب نصيحه او مشورة وحده ماتعرفها من المنتدى وبعدين نحن مانعرف ظروفها الي صايرة بالبيت ويمكن البنت او الزوجه من قهرها تبالغ ونحن بنصايحنا نظلمها او نظلم اسرتها
****************************
أرجو من بنات المنتدى انهم مايزعلون من كلامي بس هذا الشي لمصلحتهم وانا قلت جذيه لاني خايفه عليهم وعلى علاقاتهم الخاصه واكيد اذا كل زوج عرف بللي تكتبه زوجته وشكاويها وخاصة انها اتنفذ الي ينقالها على بيته راح يجلب الدنيا عليها
والكلام هذا ماقصد به كل الحريم بل البعض منهم
والسموحه