اللـــه يسامحهم ليش جيه سوو بي ؟ :( 2024.

السلام عليكم و الرحمة ..

شحالكم كلن بحاله ^_^

ربكم الا بخير

بدش بالموضوع ع طول و ابا رايكم ..

يمكن يكون هالشي تافه عند البعض لكنه معوفني عيشتي … المشكلة في

اسمــــي

من يوم كنت صغيرة و انا اكره اسمــــي ..
كل اخواني و خواتي و كل حد في العايلة اساميهم عادية و حلوة و تدل ع انهم عيال عرب و مواطنين .. الا اناااااااااا

لو كنت عايشة فبلاد الشام والا مصر بيكون الوضع عادي .. لكن الله يسامح ابوية مسمني اسم مش متداول هني عندنا فالبلاد …

انا الحين عمري 19 سنة ..

مرة كنت بغيره من قبل 4 سنين لكن الموضوع تفركششش للاسف

صدق صدق كارهتنه .. استحي يوم حد يزقرني فمكان عام .. و استحي اكثر لو قالوه بالكامل لان الاسم الاول ماله خص فاللي عقبه و فاسم جبيلتي موووول !!

حتى اني ماحب انطقه … والا اني اتحاشى قد ما اقدر اني انطقه ..

و اليوم بالذاات اختي قالت .. كنت اتفشل اقول حق ربايعي اسمج ..

حسيتني منبوذة تصدقوون

الله يسامح اماية و ابوية .. ليش جيه سووبي و سموني هالاسم .. اونهم عادة طلعو بطلعة يديدة و اسم مبتكر .. PffffffffT …
خاطري اغيره …
منهم شجعو الفكرة و منهم حبطووني و قالولي لا تغيرينه مش لانه حلو .. بس لان هالشي بيكون غريب عليهم …

اممممممممممممم ..

انتو شو رايكم ..

مع و الا ضد ان الواحد يغير اسمه ؟؟ و ليش ؟؟

رايـــــــكم يهمني وايد

و بالمرة عطوني اسم حلو و بسيط هههههههه

فديتج لاتكبرين السالفة واتقبليه عادي

انا وايد من ربيعاتي اساميهن شاميه بس بنات عرب وجبايل

مادري بس اذا هالشي مأثر على نفسيتج انا اقول تغيرينه احسن

وعلى فكرة اول كان شي غريب يغيرون الاسم اما الحين صار عادي

سمي عمرج ميره او وديمه او مدية مااعرف بس <<<اقتراح

والله يوفقج

هلا اختي اهلج غلطو بهالشي لان ما فكرو فيج يوم بتكبرين وبشعورج يوم حد بيناديج ولا يوم بتكبرين وتكونين ام ولا يده بعد عمر طويل اذا كان اسمج غريب مب مرتاحة معاه فانا مع انج تغيرين اسمج

مثلا وديمة – نوف – شوق- غلا- غالية- امنه- عالية- علياء – اليازية- اي شي من هالاسامي الغاوية

اذا مسبب لج مشكلة في حياتج والناس ما تتقبله غيريه ما فيها شي

اختاري لج اسم عربي زين وعاشت الاسامي من الحين

ربي يحفظج

غيريه لوو يضايقج

واكيد بالاول يمكن تلقين معارضات والناس موو متقبلين الاسم اليديد

بس ما عليج دام بيريحج التغير

وعن نفسي يعجبني اسم علياء

انا اعرف وايد ناس غيروا اساميهم

واحد متزوج و قبل لا اييه ولد غير اسمه عشان يركب علي الاسم ههههههههه

و لان اسمه بعد مصري

وواحد بعد ابوه امسمنه و درس و قبل لا يشتغل راح غير اسمه

لان اسمه صدق صدق مب حلوو و الحين ما شاء الله معروف بالاسم اليديد الحلو

غيري اسمج حبيبتي قبل لا تكبرين زياده و تتزوجين و خل الناس كلهم يعرفونج باسمج اليديد

لا تترددين في هالشي عاااااااااااااادي خلج كووووووووول

+

نسيت اقولج ان هاييل رياييل و يغيرون اساميهم ,, يعني رياييل و معروفين بين الناس ,, و في دواماتهم

اما البنت احس عاااااااادي و شغلتها اهون

يالله يالله غيريه

و خبرينا شو بتختارين