شحاااااااااااااااالكن حريم وبنات
صراحه اليوم من اتعس ايام حياتي وماذكر انه مر عليييه ويالله عاد لاترقدن وانتن تقرن القصه
اليوم فرحانه ابد ابد محد فالبيت الا انا والشغالات عموه رايحه بوظبي هيه وعمي عندهم موعد بالمستشفى والعيال كلهم دوامات يعني عايشه حياتي .gif "12 (42)")
قلت برقد شو وراااايه
عالساعه 12 اتصل ريلي ولا رديت قلت برايه ماروم ارد بيوعي ولديه
وعقب مره اتصلت عموووووه مارديت وردت تتصل قلت اكيييد تبا شي
انا: مرحبا عموووه
عموووه: هلا ام راشد.. شحالج؟..راقده؟
انا :لاوالله الا يالسه ارقد الولد<<<اللي يسمع صمخا ماتسمع صوووتي تونيه واعيه من الرقاد
عموه:طلعتي برا
انا: لاوالله ليش؟
عموه:الشغالااااااات شردن
عاد هنيييييييه جيه غدا ويهي
.gif "12 (80)")
كيف؟ وليش؟ ومتى؟
الله العالم
غربلااااااااااات عدووووهن
المشكله البارحه سمعتهن يوم شردن الا تحريت عمي طالع برا.gif "12 (85)")
وجاااااااان اقووووووولها ولييييييييش ماخبرتيني
تخيلو الساعه 12
لا غدا لا قهوه ولااااااااااغيره
قالت اليه مابغيت اوعييج ياحليلها
جان تقولي طلعي دياي للغدا قلت لها اوكي
وجاااااااااان اربع الف الكشه اي كلام المهم تنخش واخذ الشيله مادري حطيتها على جتفي ولا عراسي المهم اذكر انيه شلييتها<<<عاد هالحشره كلها عشان مايقولون حرمت الولد ماتنفع
واربع اربع الا والقى يدوه(يدة ريلي).gif "12 (53)")
ماعرف ياحليلها من متى كانت يايه ويالسه اروووحها<<نصيحه رقدت الصبح مب منها فايده
جان اتقولي وينكم؟؟!! قلت الها واعيه الا مادريتبج انج هنيييه<<والعيون شوي وبينقعن من كثر مب منتفخات وبعدني اجذب
ورحت ويبت الها راشد ولديه وفريييته علييها وقلت الها زخيه بسير المطبخ
جان ادخل المطبخ واللي يشوفنيه يقول بلااااها
شلحت يديه <<بداية الحرب وفريييت الشيله
ولقيييييييت والله الطاااااااااوله كلللللللها صحون ووعيان من البارحه مب مغسلات ومعتفس فوووووق حدر وماعنديه وقت لااسوي غدا ولا شي فا من كثر ما انيه اتربكت تميت اسوي ويلااااااااات بالمطبخ بس ادور ادووور واتزحلق واطييييح وليش كل ها ماااااااادري <<<شكليه احمي قبل الشغل
ربع ساعه وانا على هالحال عقب قلت ستووووووب.gif "12 (37)")
عصبت وشوي وبنتف راسي من الضيجه.gif "12 (100)")
تخيلو من عرست ماسوييت لاجاهي ولاقهوه واربع اسوي اي كلااام المهم شكلها قهوه رحت وسويتها ورحت ابا اسوي جاهي حطيت الماي والورق ومالقيت حلييب مخلص تميت اربع شرق غرب ادووور وهو بالعقل الظهر من يشرب جاهي حليب مادري يمكن كنت ابا اتفلسف<<وقته يعني؟؟!!
جان اتذكر انهم هم بها الوقت يشربون احمر مب حليييب وجااان اكشخ بنيباني واربع واحط الشكر والله ماذكر انيه حطيييته
المهم … اصلا ادري انه الطعم ماعيبهم بس سكتوا حليييلهم
رحت اسوي الدياي وانا اخاااف من الديدان والحشرات بشكل عام والزواحف والصراصير والطياطار<<بس بس شكليه بكتب الحيوانات كلهن
المهم وانا وانظفهن اتخيل حطو خطين تحت اتخيل يعني ماشي الا اروحي اتخيل اشيا واحط ايدي ابا انظفها واخووزها بسرعه تميت على هالحال 10 دقايق بعدين قويت العزم ونظفتهن وبهرتهن ودخلتهن الفرن
سويت دياي مشواي وعيش ابيض ومن دخلتهن الفرن ارتحت رحت ونظفت المطبخ اكييد مب كله ورحت لولديه فديييته يصااايح مب مغيرتله ولامرظعتنه ولاشي فديته عورلي قلبي وعقبها من درى ريلي اترخص من الدوام ويا ياحليله يبا يساعدني بس اول ماشافني احسسه كان كاتم الظحكه على شكليه وعلى العفسه عقب وصلو قووم عموه وارتتتحت كملت عموه عنيه الباقي لانيه صدق صدق كنت تعبانه ورحت تسبحت وارتحت شوي
بس المشكله العوووده مب بشردتهن لابارك الله فيييهن
المشكله.gif "12 (46)")
انه امس رحت بيت اهليه ونسيت الخزانه مفتوحه.gif "12 (71)")
رد ريلي وفتح الباب وقال لها نظفي يوم عقب دخل ولقى الخزانه مفتوحه قالي ليش فاتحتنها وعصب عليييه قلت له ماعليه يوم ارد بشوووف اذ شي مسروق منها هو لقى 16 الف ماشي
ونسيت يوم رديت مافتشتها ولين الحين ماشفت الخزانه اذ شي من الذهب ناااقص لانه ريلي راقد ولارمت اسووووي حشره
قووولن ان شاء الله ماسرقت شييي
بس تبين الصج يوومج حلـــــــــوو
كله أكشن × أكشن <—- حلآته ^^
وان شاااااااااااء الله ان شاااء الله ما سارقين الذهب !
عآد الـــ 16 ألف وطآرووووا .. بيمصخونهآ لو سرقوا الذهب بعد !!
لا لا ان شااء الله مب مصروووق
ليش ما تشتكون عليهم ..؟!
جوفوا واشتكوا يمكن بتحصلونهم ~ وجذي بيردون بيزاتكم وبيسفرونهم ابلادهم
ان شاء الله خير …
والله وكان يومج ما تنحسدين عليه والله يبعد عن السامعين واللي يكتبون الرودود هالموقف واللي مابيرد على موضوعج بيصير له هالموقف كككك<<عشان كلهم يردوون هههههههه
الصراحه لو انا بدالج بطلب دلفري عيش مجبوس او مندي<<<ونعم الحرمه والله كككك ويازينها من نصيحه بس بصراحه طلعتي فنتك وصرفتي عمرج عشان ثاني مره ما تجذبين عيل جذبه جذبج العيون منفخه وتقولين لا مب راقد صدق انج ما فيج حيله..~
بس بجد بجد موضوعج فنتك والحمدلله انه عدا اليوم هذا على خير وبالنسبه لي الله لااييبه هذا اليوم لي وطانكيو على الموضوع الغاوي اللي شراتج..~
افف منهن