عن الغلطه اللي غلطتها غصبن عني وبـــدون قصد
موضوع "[ريـلـي مادري شوفيـه معصب عليّ وايــد]"
https://forum.uaewomen.net/showthread.php?t=507611
من قام من الرقاد زهبت له الريوق قالي ما اشتهي اكل وبسير عند اخويه المستشفى
قلت له انا اسفه ع اللي استوى البارحه ولا تضايج مني تراني والله حاسه باللي فيك
وتراني زهبت شنطتي عسب اسير بيت اهلي لا تحاتي شي سير لاخوك وانت مطمن ..
رد علي قالي ماله داعي تتاسفين ما صار الا كل خير
عقب وصلني بيت اهليّـه وسار المستشفـى
وصلني مسج منه الساعه 3 الظهر كاتب لي
اعتذر لج يا قلب – – – فلان
عصبت عليج وما افتكرت فيج البارحه
كنت خايف على اخويه وايد وتدرين مالي غيره
فــســامحينــي يالغاليه
من قريت المسج استانست
ولا ازيـــدكم من الشعر بيــــت
اتصلبي يقولي عقب صلاة العشا بيي اخذج من بيت اهلـج هههههههههههههه
ريلي غريب والله ههههههه البارحه كان معصب يباني اتم عند اهلي واليوم يقولي برد اخذج
شكله اطمن على اخوه وارتاح الله يخليهم لبعض ويحفظهم من كل شر
احم عاد الطامه الكبرى امــــــــي
الصبح اقولها بتم عندهم يومين ثلاث
والحيـــن قلت لها ريلي بيي بيشلني عقب العشا تمت امبحلقـه فيني تقــول شوسالفتكم انتوا
الحمــــــــــــــــدلله ارتحت الحين
واشكر كل البنات اللي ردن ع موضوعي الاولي
اختي زوجج مو غريب كل الرجال كذا… تعانديه و تركبين راسج يعصب و يزعل و يصير صعب التعامل
تسمعين كلامه و تسايريه يشيلج فوق راسه… خذيها نصيحه مني سايري حتى لو ماعاجبج بعدين عاتبي او هو زوجج من كيفه يحس انه ظلمج
ربي يوفقج و يسهل عليج حملج
فديتج الله يسعدكم ويسهل عليج الحمل والولاده ..
وعساااج دووم مرتاحه ..
ويشفي أخو ريلج ويطمنكم عليه ,,
تحياتي ,,
أتصدقين كنت برد على موضوعج الأولاني يس من نزلتي هالموضوع كنسلت
الله يسعدكم و يهنيكم 
و يفرحكم يا رب
ترا الحرمة في مرحلة الحمل تكون حساسه أنا في حملي دوم أصيح على أتفه الأشياء
الله يسهل عليج يارب