الموضوع عادي ولا انا اللي مكبره الموضوع؟؟! :( 2024.

السلام عليكم ورحمة الله وبركاته..

شحالكم حبايبي ان شاء الله بخير.؟!

لا تخافون السالفه مب عوده ولا شي لوووووول بس شكلي انا حساسه

الله يسلمكم ريلي عنده ايميل بس من النوع اللي ما يدش المسنجر ابداا..

وانا من النوع اللي احب ادش المسن واسووولف وجي..لان احس ع المسن تطلع السوالف اكثر!!!

وهوو دوامه ان يتم هناك 10 اياااام..

فمره طلبت منه وهو كان موجود وياي في الغرفه قلتله دش المسنجر وانا بدش وبنسوولف..بس جي استهبال يعني

>>>>>انا من النوع اللي ما اقدر ارمس بكل اللي في خاطري فيس تو فيس..واحس لو رمست بالمسن اقوول اشيااء مااقدر اقوولها في الصدق..فقلت بستغل هالفرصه ان اقووله وايد اشيااء بخاطري!!

المهم يوم قلتله! تم يضحك!! قالي حق شو ها كله تراج حذالي خلينا نسوولف عادي!!

قلتله اوكي..

الحين هوو في الداوم..وظاري يتم واعي مايرقد لين يبدا دوامه الساعه 7!!

طرشتله مسج قلتله شو رايك تدخل المسنجر بنسوولف .. الحين انا مب وياك يعني ما عندك علثه!!!

قالي ماقدر عاد الحين اللاب مسكر وانا منسدح ع الافراش!!

حسيت اني انقهرت..كل مره يطلعلي سبب!!

قلتله خلاص انا آسفه اني طلبت منك هالطلب..مره ثانيه يوم بتحس عمرك فاضي وتبا ترمسني خبرني!!

عقب جان يقوولي خلاص انزين بدش الحين وبرمسج!!

قلتله خلاص شكرا سكرت اللاب انا>>>>مع اني ما سكرته

وتمينا نسولف بالمسجات وانا معصبه احر ما عندي..وهو كان عادي يضحك ويسوولف وحسيته يستفزني بس هو مب قصده اصلا جان اعصب زيااااده

شووي ودق وتم يسوولف يغير الموضوع يعني وقالي انا برقد نص ساعه ووعيني للدوام!!! قلتله ما بوعييييك تم راقد احسن @_@ قالي مشكوووره وسكر

>>>>طبعا انا بوعييييه حتى لو قلتله جي بس كنت منقهره @__@

ادري موضوعي تافه بس حبيت اطلع اللي بخااااااااااطري شووووي >_<

والسموووووحه

هههههههههههههههه حيآتي والله ..
شوفي الرياييل مايحبون المسن .. طبعاً مب كلهم
انا ريلي عنده ايميل .. بس مايفتح المسـن خير شـر ..
لان مايعرفله وآيـد
وتبين الصدق هالشي مريحني ..
المسن ما ورآه الا المصايب ..
خذي الموضوع من الجانب الإيجآبـي ..
ريلي مايحب المسن = ريلي ماعنده سوالف بطآليه ..
واللي فـ خآطـرج .. وماترومين تقولينه فيس تو فيس .. قوليه عن طريق مسج
حتى لو كان ويآج فـ الغرفه .. طرشيله مسج .. وشوفي رده فعله حزتها
صدقيني بيستـآآآنس ..
لاتضايقين بعمرج فديتج ..
ترى مافي شي يستـآهل ..

تسلموووون خواتي ع الرد..

المشكله ان ادري بعمري ان مكبره السالفه ههههههههههه

بس بعد قهرني اذا ما يبا خل يقوول بس مب كل مره يتعلث بسبب واحس اني اتقفط كل ما اطلب منه ويردني!!

واختي ام حمد انا وياج ان المسن وراه المصايب وانا مريحني هالشي بعد..بس مادري ساعات اتيني حالات ابا اتكلم وياه بالمسن

وعن سالفه المسجات انا دوم اصلا اطلع اللي بخاطري بالمسج ما اقووله فيس تو فيس..بس قلت تغيير يعني دامني فاضيه وهو فاضي..

مشكوووورات خواتي على ردودكم ^_^

يابوج احمدي ربج مايحب المسن ولايحب هالسوالف لا تدخلين عمرج ببلاوي انتي بغنى عنها ..

المسن ما ورآه الا المصايب لا تخليه يتعود عليه يمكن لا سمح الله بعدين يعجبه ويدمن عليه وتستوي بلاوي

تسلمووووووون خواتي على مروركم الطيب وماقصرتوا ^_^

اكيد ما يحب المسن
طبعا هو حر
شرات ما انتي تحبينه
وانتي حره