السلام عليكم و رحمة الله و بركاته
خواتي انا دوم ارد ع مواضيع الاخوات ف هالقسم ودوم افكر اني اكتب لكم لاني صدق تعبت
بس طبعا اقول يمكن ما تقدرون اتحلون مشكلتي .. كنت احاول ادور حلول لمشاكل غيري مع
اني ابروحي ابي حد يحل مشاكلي ..
مشكلتي كبيره .. اخووي الله يهديه .. متعقد و دووم يسيطر علينا .. ما نقدر انسوي شي الا بعد
ما انكلمه و ناخذ اذنه .. بس طبعا هو دووم يقول لاااااا .. يعني كل ما نبي انسوي شي يرفض بدون
اي سبب .. اخوي يدخل ف كل شي ف حياتنا .. لدرجة لو نبي انروح السوق يسألنا ليش و حق شو
يعني لازم يعرف كل شي .. ويوم بنقوله احنه ليش انروح طبعا مرات يرفض و يقول هالسوالف حق الكبار يعني احنه بنات و كبار و محتاجين هالشي .. ف يوم من الايام كنت ابي اروح السوق وياه خواتي طبعا
اللي بيودينا اخوي الثاني .. سألنا ليش قلناله بنروح ناخذ لنا اغراض طبعا ما خلانا انروح الا بعد ما انقوله
و ف الاخر قلناله اننا بنروح ناخذ اغراض شخصيه فينا يعني ما نستحي انقوله .. طبعا ما رضى لين ما قلتله اننا بنروح ناخذ حلاوه و ملابس داخليه .. اتعرفون شو رد علي ؟
قالي ما شي طلعه .. و اونه اذا تبون شي انا بييبلكم او قولوا لحرمت اخوكم شو تبون وهي بتييبلكم
بس طلعه برع البيت ما شي .. كل حابسنا ف البيت وما يبينا نطلع .. الا اذا هو بيطلعنا من خاطره و
و طبعا هالطلعه لازم بتكون ف 8 شهور مره وحده .. لا انحس بالعيد و لا برمضان موليه
كله محبوسين ف البيت ويوم يطلعنا لازم ينكد علينا قبل و بعد الطلعه ومرات يذلنا عسب نطلع
اختي العوده من كثر الضيج و التعب قامت اتفكر ف الزواج .. دوم اتقولي لو تزوجت بفتك منه و من
سيطرته علينا و مرات اتقول لو امي و ابوي عايشين نحن بنكون مرتاحين
يعني و الله حياتنا استوت عذاب ف عذاب من بعد وفاة امي ابوي من 5 سنين
مرات افكر اروح اشتكي عليه لاني تعبت منه .. ومرات افكر بأني اطلع من البيت و اروح اقعد عند اربيعتي بس طبعا انا ما اعرف اذا اهل اربيعتي بيوافقون و الا لا
انا نسيت اقولكم ان عمري 18 و اختي العوده عمرها 21 و عندي خوات صغار 16 و 10
وعندي اخوان صغار 17 و 15 و عندي كبار 2 .. العود عمره 28 و مب متزوج و الثاني عمره 25 و متزوج
و هذي حياتنا
اتمنى اني القى حل عندكم
الله يهديه ويرتاح بالكم
ولي أمركم أمكم وأبوكم وإذا سوابكم شي أو كفخكم ترا الشرطه موجوده
و الله ما اعرف شو اقولج غير الله يهديه
صدقيني إختي لو فكرتي فيها من منظور ثاااني بتعرفين إنه أخوج يحاتيكم ويخاف عليكم
لأنه استويتو مسؤولين منه
هو يمكن بااالغ شوي في الخوف … بس انتوا فكروا يلسوا وياااه …
وسألوه شو أكثر شي مضاايقة … فهموه شو اللي بداخلكم …
و الله أحس أخووك يحاااتيكم لأنكم أماااااانه في رقبته ,, مب لشي ولا لعناد ولا إنه وده يضيق عليكم …
الله يصلح الأحواااااااال بينكم …
7AWLO TEYLSON MA3AH O ETKALMONAH BELZEZ MARA O MARTEN O THALATH O ENSHALLA BTERTA7ON