.. طبعا الكل يعرف انه اكثر سكان هالقسم هن العزابيااااات ههههههه ، وانا ملاحظة شي فيه وما ادري انتوا بعد ملاحظين ولا نووووه ..
.. انه القسم هذا انجلب قسم مشاااااااكل وسوالف ضيييج الحرمة من ريلها ، والباحثات عن الدعاء للزواج واكيد اولهم انا ههههههههههههه ..
.. تراكم بهالمواضيع تعطونا فكرة سلبية عن الزوااااج واحنا العزابيااات بنتخبل نبا نعرس واخر شي من اللي نشوفه ترانا بنتعقد وبنمتنع عن الزواااج ( لا تخلوني احلف بس هههه )
وين المواضيع القبلانية عن مفاجات يوم الزواج ، عن مفاجات وهدايا الزوج لزوجته والعكس
وين مواضيع افضل الافكار اللي تقدمها الزوجة لاسرتها ، وين هاذيج المواضيع اللي كلها ايجابية وتفتح النفس وتخلي الوحدة لها نفس تدش هالقسم وتتطمش وتيلس اتحلم ( على الفاضي صحيح ) لكن بعد المهم انها سوالف حلوه هههههههههههه
اوكي خواتي خليكم حلوات وحبوباااات وابتعدوا عن المشاااااكل ، وان كان ولا بد عندكم باب تنمية وتطوير الذات .
هيه قبل ما انسى مابا ردود تضيج ومالة الضرابه ( خلوا عنكم التفكير السلبي ) ، ابا ردود ايجابية ودعوة للسلام والتسامح والصفح والغفران بين الاهل والاحباب
^__^
بس بوضحلج نقطه فديتج
حريم وحليلهم ما يلقون حد يسمعهم مشاكلهم او يستحون يقولن مشكلتهم جدام حد او ما يحبون ينكدون على حد او ما يبون يسون مشاكل كبيره فا يطرحون مشكلتهم في المنتدى لأنه الواحد لازم يطلع الي في خاطره
فديتج زواج فيه حلو فيه المر خخخخ يعني زواج مب بس هدايه ولحظات سعيده لا لازم نتكيف مع وضع ^^
عشان باجر ما تنصدمين من اول مشكله بسيطه في زواج <<بسم الله عليج ^^
خلنا نتعلم من تجارب غيرنا
والله يهدي كل زوجين
ما عليج حبيبتي العرس حلو بس مسؤولياته كبيره والله يرزقج الزوج الصالح الي يسعدج وتسويله كل الحركات الي تعلمتيها في القسم
غاليتي 
قسـم العلاقـات العائليـة يعتبر بالاساس خاص بالمتزوجــات والعلاقــات الاسريـة والزأأواج
والمعرسـات مثلهن مثل غيرهم أو يمكــن أكثر يتعرضن لضغوط ومواقـف وايدة في الزواج ,,
ولازم يستشرن وياخذن آراء الغير ,, ونحن خوات في المنتدى وفاتحين قلوبنـا حق بعض للمساعدة
عشان جي تحصلين الخوات يحطون مشاكلهـم في هذا القسم الخاص بهم
أمـا قسم تطوير الذات فهذا خاص بالمشاكل الي تيي الشخص نفسـه مثل نقص الثقـة أو السلبية وما إلى ذلـك
وحتــى الخوات ملقوفـات على قولتــج يمكن بياخذن فكرة من هذا القسم وبيعرفـن ان الزواج مب هو الحلم الي رسخـه في عقولنــا الإعلام ^^
وتمينـا نحلم بفارس الأحلام الكـامل المتكامـل ^_* !
لكـن شتان بين الواقع والخيــال وهذا القسم بيعكس لكم الصورة
أنا ما اقصد ان الزواج كله مشاكـل ,, لكن الزواج لا يخلوا من المشاكـل ^_^
والله يسخر لنا أزواحنـا ويرزقكم الأزواج الصالحـة
ترى المنتدى متنفس لوايد حريم …..
خليج بعيده عن هالقسم فديتج0
وهذااا ندااء لكل العزابياات مب لااازم تثقفون 00الحيااة بتعلمكم الكثير حبوبااات
ابعد عن الشر وغنيله ^_*
والحريم حليلهن يفضفضن ويدورن الامل ولو بدعوة حلوة 0
الافضل إلي عندها مشكله تراجع مكاتب الاستشارات الاسريه هم إلي بيعطونهم الحل إلي يناسب مشكلتهم
والله يبعد المشاكل عن الجميع