ريلج وأنتي ف غرفة الولاده 2024.

مرحبا عزيزاتي…
بما اني في اول حملي وف الشهر الخامس الحمدالله……
وانا زوجي مسافر خفت ان مايكون موجود حزة ولادتي..بس حساباتي طلعت مظبوطه وإن شالله يرد بالسلامه…
المهم انا اللي اعرفه وجود الزوج وقت الولاده وااااايد مهم للزوجه ويخفف عليها الم الولاده….ما اقصد الغرفه داخل وين ماتولدين….خخخخخ ..الغرفه اللي قبل الولاده وانتي تتويعين…ف حبيت اعرف المواقف الحلوه والرومانسيه والطريفه .. .او خبروج عن ريلج كيف كانت حالته وانتي داخل. خبرونا عن المواقف اللي صارت لكم يالمتزوجات مب شرط في اول بيبي…لان الحب والخوف والارتباك والتوتر كله بيطلع هاليوم…مثلا انا سالت ريلي قالي انا عصبي عادي ازغد النيرس وانتي تتويعين ما اتحمل….خخخخخخخخخخخخ..قتله بنشوف….واخوي الله يحفظه اذكر بعدني ما كنت متزوجه…وكنت انا عند مرته وهي فيها الويع .دخل علينا اخوي وما تحمل يوم شافها حس بدوخه والدنيا تدور حواليه ويلس ع الارض….خخخخخخخخخ بصراحه يتني ضحكه..اداري مرت اخوي ولا اخوي…..زين امي كانت وياي…………وين مواقفكم يالمتزوجات…………….؟؟؟؟؟؟؟؟؟؟؟

والله يرزق الجميع الذريه الصالحه

ريلي كان دوام يوم ياني الويع بس الحمدالله انه دوامه ف نفس الامارة .. ع طول يانا المستشفى الساعه 10 و انا ربيت 2 و نص و تم يالس لين الساعه 6 الفجر … لانهم ما طاعوا يطلعوني من الولاده ضغطي ارتفع …

امايه كانت اتقول كان طول الوقت يتأفف يقول شو يسون هالكثر دخلوا شوفوهم .. متحرقص يمشي و يوقف و اييلس … و يوم يابوا خوله دمعت عينه و حبها ع راسها لانها ما سبحوها بعدهم …

الله يرزقني بأخو لخوله فديتها ..

انا للحين ما يربت^^
بس ناوية ادخله وياي حتى غرفة الولادة عسب يعرف قيمتي وشكثر بتعب><

وبعد عسب اسستمد منه قوة اكبر حزة الولادة^^
الله يكتبلي هاللحظة قريب ويكتبها لكل خواتي..

بالتوفيق

مساكين الرياييل يخافون اكثر منا .. انا ريلي يقول لي اني تسوين لي نفس الافلام الهنديه..بصراحه الوحده منا تفرح يوم تجوف خوف ريلها عليها..

سؤال وجيه ههههههههههههه

انا طبعا بعدني مب حامل بس سألت بعلي العزيز من فتره لو حملت ويت حزت الولاده بتدخل عندي

قالي طبعا…….. قلتله عادي ماتخاف ماتقز ……….. قالي ماعرف بس انا كنت اشوف ابوي يعني ابوه هو يدخل مع حرمته ولاداتها ويطلع من عندها يصيح…………..

فما اعرف شو بيستوي …………..