بعد جم فترة تروحين السوق وتاخذين لج بدل يديدة ؟؟
يعني البدل اللي خذتهم السنة اللي طافت و لبستهم بحدود 5 او 6 مرات ارد البسهم ولا شو اسوي فيهم ؟؟ ولا اشتري غيرهم خلاص ؟
و بعد كم فترة اشتري ملابس داخلية يديدة و قمصان نوم ؟؟
و القديم افره ولا اخليه لين ينكرف ؟؟
و نفس الشي للعبي ؟ جم عباية افصل سنويا ( بما فيه الاعياد والمناسبات) يعني المعقول جم عباية ؟؟
افيدوني *
اذا موضة البدل بعدها ما طاحت البسيهم ليش لا…ما فيها شي…(عادي)
الصراحة بين فترة وفترة اشتري لاني احب اغير….وخصوصا الملابس الداخلية ….
اما قمصان النوم اشتري بين فترة وفترة…من باب التغيير…
العبي ما افصل واااايد…لاني ما اشتغل ولا ادرس…
افصل للعيدين…والمناسبات اللي اسيرها…مثل…الاعراس…العزايم…
يعني للعيدين(2)…وحدة للمناسبات الطارئة(1)…(3) خفاف طقم….(3) سادة…بحدود ال(10) عبي تقريبا في السنة
وافصل غيررهم اذا اطرطروا…ولا ضار فيهم شي
الملاابس الداخليه من فتره لفتره و عادي المكروفات خليهم لين الدوره
و قمصان النوم ف الشهر أخذ اثنين ولا ثلاث لو كثرت ما كل يوم عيد البس قميص نوم لازم تغيري مره بيجامه و مره شي ثاني
و البدل ليش لا لبسيهم إذا البنطايل أؤكي ما متغير لونهم اشتري لهم قمصان يديده و اكسسوارات
و ألعبي أنا أفضل للمناسبات فقط فيهم نقشه
أما لين الأيام العاديه العباه ساده يعني ما عندي عدد محدد كل ما يعجبني اسوي