مشكلة دواامي الطويل اه يا بنات 2024.

مرحبا بنات شحالكن بغيت اشاوركن في موضوع وايد مأثر علي انا موظفة متزوجه من سنتين عندي ولد وحاليا حامل فشهوري الاولى مشكلتي ان دوامي وايد طويل من الساعة ثمان الين الساعة اربع العصر يعني ثلاث ارباع وقتي دوام كانوا في الدوام عاطيني ساعة حضانه لمدة سنه والحين بتخلص عقب كمن يوم بصراحة انا مرتاحة فدوامي لانه خفيف بعد ما غيرت قسمي اللي كنت فيه بس مشكلته وايد طويل يعني ما اتغدا مع ريلي وكله يتغدا فبيت اهله كانه مش مزوج وانا اضطر اكل من المطاعم كل يوم لاني في الدوام تعبت من هاي الحاله وانكسر ظهري من يلسه المكتب حاولت اقدم على وظيفه ثانيه والمشكله كلهم يرفضون عشان جوازي من اماره ثانيه والاولويه امواطني الاماره وما اقدر اقدم في امارتي لانها بعيده عن مكان سكني حاولت استقيل بس ريلي عليه ديون بس نقدر نرص على عمارنا ونعيش عيشه حلوه بس هوه يحاول يصبرني تعبت نفسيا ما اتجاوف ويا ريلي الا نادر واذا تجاوفنا ما بيكون لي خاطر اجابله ولدي استوي مشتت مابين بيت اهل ريلي والخدامه وحتى يوم اي من الدوام ما لي بارض اشله نصحوني بنات شو اسوي هل استقيل واشتري راحتي وبيتي ولا استمر واتعب جسديا ونفسيا خاصه ان فدوامي محد يراعي حد حتى لو كنت حامل

أنا من راايي ريلج وبيتج اهم من الشغل اللي تشتغلينه. وإذ حاسه انه ريلج يبااج تشتغليييين ومن خاااطرة. كملي شغلج ولا تستقيلين بس فكري ببيتج. وعقب بشغلج

لا حول و لا قوة إلا بالله

الله يسهل امرج حبيبتي الحرمة انخلقت للبيت مب للشغل والحمل والبيت وكل شيء عليها

ليش ما تقعدين فالبيت وتحاولين تفكرين ف شغلة ادر عليج فلوس وانتي قاعدة فالبيت
وتاجرات المنتدى خير مثال لكلامي
ما في شي يستاهل ان تشتتين ولدج وبعد كم شهر بتيبين ياهل
صراحة يا ريت لو يقصرون دوام الامهات . من الصبح لين العصر الام في الدوام متى الحرمة بتجابل عمرها وريلها وعيالها

[طولي بالج وهذه فترة بسيطة وبتعدي واذا تركتي شغلج بصير عندج ملل واكيد ريلج يتفهم الموضوع وبكون مراعنج حبيتي ويوم بتحسيم بملم اطلعي اجازة اسبوع تغيير جو
الله يوفقج

أستخيري بأمر الأستقالة لعل الله بنور بصيرتك ويلهمك لما يحب ويرضا