زعلني 2024.

ريلي دوامه بعيد واليوم نزل البلاد عسب يشوفنا،،،، ولاني احب استقبله أحسن استقبال فكنت حاطة فبالي فكرة رومانسية وقلت بنفذها…..

اللي صار انه ريلي بعد هال غيبة الطويلة والحجز توقعته ليكون مشتاق لنا ويبي يشوفنا باي طريقة،،،،

لكن فجأة ومن دون سابق إنذار طلب منه عمي الي هو أبوه يسوي له شغلة،،، وهالشغلة بتأخذه منا

صراحة تضايقت وااااايد لانه ما حسيت انه يبا يشوفنا وهو دائماً لو عمي يطلب منه شي او يحتاجوه أهله يقطع وجوده معانا وشغله معانا ويروح ما يتعذر أبدا ،،،،،

حتى من كثر ضيقتي قلت له لو ما تبا تشوفنا ما بنيي.. ورده صدمني يوم قال (لا تييون )!!!!!!

وقعد يسمعني كلام يجرح باني مب زوجة صالحة لأني ( وها ظنه هو) أني ما أباه يساعد هله…..

والله انجرحت لأني بدئت احس انه ما يعرفني غير حزت (………) والا مشاعري وسوالفي ما تهمه…..

أنا كرامتي ما تسمح دائماً ألاحظ انه مهمشني … وقلت له مب اول مرة تروغني وما أروم ارجع لك ،،،،

جرحني وااااااايد ،،، يمكن أنا رومانسية بزيادة وعلى فكرة زوجي عنده قسوة وجامد ،،،، أحاول أنسى الألم لكن الجرح يتكرر كل ما كان الموضوع يخص اهله

غلطانه والا عصح!!!!؟

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

ما كان لج حق تزعلين منه لانه بيساعد بابوه والدينه فس شغله مهما يكون هذا ابوه وله حق عليه ..

كان يبتيها بطريقه احلى ..

ومن ناحية الطرده انا ما اشوفه راغج انتي روحج قلتيله جان ما تبانا نيي ما بنيي ..

الله يهداج بس ..

حق الحق من نفسج واصبري هاي الدنيا ومهما يكون قبل لا يكون ريلج بو عياله له اهله ووالدينه ملزوم به ..

حاولي تكونين انتي وياه على الخير ..

موفقه باذن الله

المشاركة الأصلية كتبت بواسطة اسيرت شوق

حبيبتي بنصحج نصيحة اخوية ولا تزعلين مني لان مرات الواقع يكون مب حلو
لاحظة كذا موضوع اشتكيتي فيه من ريلج او لمحتي مجرد تلميح
زين الغالية انتي ليش ما تستوين ذكية ليش دايما تبين الغير يفهمج هل انتي حاولتي تفهمين زوجج
تعرفين طباع زوجج ليش تحاولين تخلينه يغلط عليج
انتي تشوفي ان اهله نقطة ضعفه خلاص لا تركزي على هذه النقطة وتجنبي النقاش وياه فيها
حاولي انتي تقولين له روح سلم روح سوى اعمل لاهلك
اهلك مساكين طيبيين محد مثلهم
ما راح تخسرين شي
سويلهم اكلات وطرشي لهم عند زوجج بتكبرين بعينه
وبيحاول يرضيج دامج دورتي رضاه
لا تخلي نفسج محصنه بافكار وامور بعيدة عن الواقع الرمسية حلوه بس لا تشبكينها بوضع ريلج ويا اهله وحطي في بالج الي ما فيه خير لاهله الي ربوه وتعبوا عليه وما فيه خير لج
اجلي ترتيب الامور الي سويتها له ليوم ثاني وافرحي برجعته وكبري عقلج
وستانسي بالحياة لا تخلوا اشياء صغيرة تقلب حياتكم الدنيا شو فيها يسوى
يالله الله يهديكم ويحنن قوبكم لبعض

رايي من رايها

والله يوفقج