لوين وصلنآ يآ زمن !!
كل مرة وأنآ أتطآلع اللي حولي آحس بالغصة
وين رآحوآ الريآييل
كل مآ آقرآ موضوع في النت يكون عن الخيآنة الزوجية
والقهر إن الريآل يترك زوجته العفيفة الطآهرة اللي رب العآلمين رزقه بالحلآل ويتجه لوحدة وربي مآ تسوى ظفر زوجته
انزين ليش ؟؟؟
آدري محد عنده إجآبة لسؤآلي
انا ولله الحمد مآ تعرضت لهالخيآنة لأني مآ عرست بعدني
بس آخآف من الريآل اللي بيكون من نصيبي
دآيمآ آتسآئل كيف بيكون هالإنٍسآن
كل وحدة وحتى انتوآ يآ المتزوجآت عشنآ قصة بخيآلنآ ويآ فآرس آحلآم وهمي
وهالفآرس كآن بالنسبة لنآ فل آوبشن
يعني كآمل الموآصفآت
بس حآليآ غيرت مفهومي لفآرس آحلآمي
آتمنى 4 آشيآء متوفرة فيه بس وبكون آسعد انسآنة
دينه ، آخلآقه ، بره لوآلدينه ، حبه لي
هل طلبي صعب ؟؟
يآ ترى هل هالإنٍسان متوفر ؟
كل بنت وهي صغيره يوم حد يسألهآ كيف تبين ريلج يكون
تقول مثل آبوي أو مثل آي شخص كبير في العآيلة
بس مآ دآم جيلنآ يختلف عن جيلهم
وبسآطتهم تختلف عن بطرتنآ فهالزمن
وين بلقى وآحد يحبني مثل آبويه
يآ بنات ويآ حريم نحن للأسف في زمن انتشروآ فيه بنات الحرآم
قآموآ يدورون دوآره الموآطن صآحب البيزآت صآحب المنصب الرآقي
وربي أحس بالغصة على شبآب بلآدي
لمتى بنبقى على هالحآلة ؟؟
حتى المسآجد صآرت فآضية
إلأ كم من شيبة وكم من شآب من اللي رب العآلمين منعم عليهم بنعمة الهدآية
وين البقية ؟؟
دآيما يسألوني هآ فلأآنة مآ عرستي !!
مع اني صغيره بس دآيمآ جوآبي يكون وين هالريآل اللي يستحق اني اطلع من بيت آبويه عشانه
خواتي المتزوجآت واللي مرت عليهم حآلآت الخيآنة وانا أدري ان وآيد ومش شويه
آهم شي الوآزع الديني
لآ تقولون أنآ آكشخله وآلبسله
الريآل لو ملتزم بصلآته وبخشوع وحطوآ تحت كلمة خشوع مليون خط
مآ رآح يتجه للحرآم
لقوله تعالى : [ إن الصلاة تنهى عن الفحشاء والمنكر ]
الخيآنة في الدولة منتشرة بدرجة كبيرة
وحتى في البث المبآشر ينآقشون عن هالموضوع لأن فعلا الشي زاد عن حده
نسبة الطلآق وصل لفوق 80 %
يعني نحن في قمة الخطر
شو الحل برآيكم !!
كيف ممكن نحد من هالظآهرة المنتشرة ؟؟
وبالأخص ان الشبآب روحتهم للقهآوي ومن حقهم بس اللي مش من حقهم الحريم اللي يشتغلون في المقاهي
نحن من وعينا من على هالدينا ونعرف ان المقاهي مرتآدينهآ الريآييل واللي يشتغلون فيها رياييل
بس خلال السنوات الأخيره انعكست الآية
بسبة هالمقآهي انتشرت الخيآنآت وبهالهبل
والمقآهي سبب من الأسبآب وغيره الكثير
لمتى انزين !!
هذا هو الوباء اللي نعاني منه حاليآ
وبآء الخيآنة
هو صح انه الخيانات كثرت من الرياييل والحريم بعد بس بعدها الدنيا بخير الحمدلله
شي رياييل يخافون ربهم وماشيين ع الصراط المستقيم والله يحفظ شباب المسلمين من الفتن
بس الدنيا بعدها بخير
و في ابصالح و في الطالح
والي بيخاف من ربه ايمان يقين
ماراح يغضب ربه بهالامور
لانها فالمقام الاول يخون ربه قبل حرمته
صدقيني الدنيا بخير
و على فكره في رياييل من اول خيانه مع حريمهم
ربج يهديهم ع هالشي و يعز حرمته ويدللها لانه عرف طريج ربه
ف لكل شي سبب سبحان الله
أنا بعد افكر نفس تفكيرج
أنا بعد عزابيه و خايفه كله افكر
لين متى يعني واحنا كله نسمع عن هالخيانات
الله يهديهم يارب و يصلحهم
الخيانات زادت بسبب ويسمحلني البعض الاختلاط بالوظيفه لبنات اتربن في بيئة مغلقه هالشي صعب فجأه ايجوفن نفسهن بين رياييل وكل واحد منهم يمثل دور العاشق يكشخ باحلى ما عنده ويقول احسن ما عنده يمثل الطيبه وكانه ملاك طبعا الفقيره المحرومه والي وازعها الديني ضعيف بطيح فيه وبتقارن بينه وبينه وبين الي وياها بالبيت
بالاضافه الى دور الامهات الي ضعف البنت صارت فيما ندر تعرف بشغل البيت فراشها اتقوم ما ترتبه يعني ماشي تحمل مسؤوليه
التكنولوجيا الي اتقدمت بشكل رهيب قبل الام تحرم بنتها من المسلسلا ت الهابطه واتقولها دشي الحجره تأمن عليها الحين في الحجره هاي البلاك بيري والاي باد والتلفزيون الخاص يعني وين الضمان ماشي غير التربيه الاسلاميه الصحيحه ومراقبه الام والابو
طبعا الامور الي ذكرتيها من دخول الاجنبيات فالبلاد وتسهيل دروب الهلاك مثل الشيش وغيرها هالاسباب بعد لا يستهان فيها بس بايد الدوله تقدر تمنعها وتفكنا من مصايب الي ما يخافن ربهن وكم مره عرضنا هالمواضيع وناقشناها وبعضها وصل ونتأمل خير يعني هب معقوله احنا بس الي انجوف مساوئ هالاشياء والقيادات الكبيره ما اتجوف بس اكيد الموضوع يباله صبر الله يحفظ بلادنا وويوفق بناتنا للي فيه الخير
و ترى مثل مال فئة من الريايييل خونة ترى في حريم خونة
يعني لا تعممين ع الجميع و تسوين اللي عليج و زود و الباجي ع رب العالمين
المشاركة الأصلية كتبت بواسطة عيالي وبس 
الخيانات زادت بسبب ويسمحلني البعض الاختلاط بلوظيفه لبنات اتربن في بيئة مغلقه هالشي صعب فجأه ايجوفن نفسهن بين رياييل وكل واحد منهم يمثل دور العاشق يكشخ باحلى ما عنده ويقول احسن ما عنده يمثل الطيبه وكانه ملاك طبعا الفقيره المحرومه والي وازعها الديني ضعيف بطيح فيه وبتقارن بينه وبينه وبين الي وياها بالبيت
بالاضافه الى دور الامهات الي ضعف البنت صارت فيما ندر تعرف بشغل البيت فراشها اتقوم ما ترتبه يعني ماشي تحمل مسؤوليه
التكنولوجيا الي اتقدمت بشكل رهيب قبل الام تحرم بنتها من المسلسلا ت الهابطه واتقولها دشي الحجره تأمن عليها الحين في الحجره هاي البلاك بيري والاي باد والتلفزيون الخاص يعني وين الضمان ماشي غير التربيه الاسلاميه الصحيحه ومراقبه الام والابو
طبعا الامور الي ذكرتيها من دخول الاجنبيات فالبلاد وتسهيل دروب الهلاك مثل الشيش وغيرها هالاسباب بعد لا يستهان فيها بس بايد الدوله تقدر تمنعها وتفكنا من مصايب الي ما يخافن ربهن وكم مره عرضنا هالمواضيع وناقشناها وبعضها وصل ونتأمل خير يعني هب معقوله احنا بس الي انجوف مساوئ هالاشياء والقيادات الكبيره ما اتجوف بس اكيد الموضوع يباله صبر الله يحفظ بلادنا وويوفق بناتنا للي فيه الخير
كلامها صحيح 100%
وبعد لانه الرياييل لو سوواشي يعرفون ان محد راح يحاسبهم
والله يحفظ البنات والشباب من شر الفتن الي كل يوووم تزييد