انا قبل فتره نزلت مواضيع اتشكى من ظلم ريلي وظلم اخته
بس الحين مشكله اخته اتحلت ليش؟
لاني نقلت بيت بروحي وقاطعتها
المشكله اتحلت يعني انتهت ولله الحمد
مشكلتي مع ريلي كان يهييني ويضربني ويشك فيني وكل شي
بس نزلت مواضيع وسالتكن واستفدت منكن وريلي تعدل وتغير ولله الحمد
الحين المشكله
يعني الحين كل ما نزلت موضوع بتقولولي انتي الي كنتي تقولين ان ريلج يضربج وانتي انتي وانتي ؟؟؟؟؟؟؟؟؟؟؟
ليش يعني خلاص بتم اتشكى بنفس الموضوع دايما ؟؟؟
يعني الحين صحيح ريلي اتغير وضربه قل ما بقول انتهى بس لين الحين عقليت الضرب جاايز موجوده
وضربه للعيال موجود ..وما ينتهي لازم كل مااكتب شي
اقولكم ريلي مزحه ثقيل وبالضرب يمزح خضرلي يداتي على طوووووووول تردون انتي الي كنتي تتشكين من ريلج وضربه احمدي ربج انه يمززح و…..و…..و…….
ليش جي .؟
انزين انا بتكلم بموضوع ثاني ليش تدخلون المواضيع الجديمه الريال اتعدل وانا بتناقش بموضوع ثاني خلص الحمدلله تغير من عيوبه واخته اختفت الحين خلاص لازم اسكت ومااتشكى ولا اتناقش ليش لانه كان وكان واي شي الحين حرام اتكلم فيه
انا كتبت موضوع مزحه الزايد ما قلت ليش ريلي يمززح بالعكس انا فرحانه انه تغير بس مزززحه مب محله
اقوله عندك بيزات عشان ماشي حليب لليهال سير اشتري يتمصخر وما يرد علي
ويوم يخلص الحليب نهااائيا اتهزأ وانسب واني مهمله ؟؟ هذي مب مشكله الحين
ويوم يمزح يضربني وانا اتالم والله ايدي كلها بقع كدمات هو ضخم ولا يدزني واطيح من السرير ولا يدزني عالارض هذا مزح الحين
يعني خلاص لا جيت افضفضلكن اعتبركن خواتي
تذكروني شو كنت كاتبه اول كنكم تقولون احمدي ربك وانثبري انزين انا شو قلت ؟؟؟ قلت بطلق ؟؟ بنتحر ؟؟
قلت ابى حل ذكي يخليه يخف من مززحه وبس
الله يهديكن بس هذا الي بقوله والله حسيت بضيق من كلامكم لدرجه فكرت احذف الحساب كله
نفس الكلام اللي كان ف خاطري استغربت من بعض الردود
كلامج صح انتي طلبتي النصيحة من مزحة هم ماقصروا خلطو الحابل بالنابل
ماادري كيف يفكرون عندج نصيحة وكلمه طيبه قولي مب لازم تتدخلين واتذكريها شو كان ريلها يسوي
الله يعينج ويصبرج
فديتج الله يريحج ويسعدج مثل ما سعدتينيمهما كان العضوات وكل من يدخل موضوعج مابيعرف حياتج بتفاصيلها مثل ماوضحتي الحين
يعني لو انتي بمكان وحده فيهن بتستغربين المشكلتين الاولى ضرب والثانيه مزح
وطبعا انا ضد الاسلوب الغير مهذب لبعض العضوات
المفروض إذا لم يعجبكي موضوع أو لم يعجبكي رد فلتصمتي أفضل من أن تقللي أحترام الأخرين لكي لاستخدامكي أسلوب ليس به أدنى أدب … و لا أعتقد أن هذا الأسلوب يعبر عن الرأى أكثر مما يعبر عن التربية ..
الغاليه بخصوص ريلج
الشكوى لغير الله مذله
عليج بالدعاء وكثرة الاستغفار
مثل مانحلت مشكلتج مع اخته ان شاءالله بتنحل مشكلتج مع ريلج
الله يهونها عليج ويصلح ريلج ويهديه
المفروض إذا لم يعجبكي موضوع أو لم يعجبكي رد فلتصمتي أفضل من أن تقللي أحترام الأخرين لكي لاستخدامكي أسلوب ليس به أدنى أدب … و لا أعتقد أن هذا الأسلوب يعبر عن الرأى أكثر مما يعبر عن التربية ..
اتجاهلي كلامهم
مشكلة الضرب سببها ماشي احترام حتى لو قصده يمزح .. انتي زوجته مب واحد من ربعه عسب يمزح وياج جذي
انا مادري كيف طبيعة علاقتكم ببعض
بس جربتي تزعلين؟؟ احس انه يهينج بهالمزح لازم توقفينه عند حده رمسي اهلج او حاولي معاه بأسلوب وادلعي عليه برزانه واذا زودها عصبي عليه وطنشيه فتره وشوي شوي بتغير طبعه بإذن الله
ولكل رجل مفتاح دوري على مفاتيحه باسلوب ما شالله مبين عليج عاقل
حاولي تفهمينه انه تربية الضرب ماتيب نتيجه بالعكس تدمر يعني مثلا يبيله امثله حيه قصص واقعيه طرشيله مش من باب النصح من باب السوالف لانه الريال ما يحب وحده تعلمه وتقوله يمكن ما يتقبل وان شالله بتغير
بس كل شي راجع لطبيعة الريال والبيئه اللي عاش فيها والتربيه اللي ربوه اهله عليها مابتقدرين تغيرينها فيوم وليله
الله يصبرج حبيبتي وان شالله يلين قلبه عليج