مادري عاد هالمكان صح لموضوعي او اكتبه فقسم ثاني
المهم اربيعتي مالجه وهي مخلصه جامعه خاصه وكانت امها الي تصرف عليها عن الجامعه يعني
المهم ريلها متفق وياها انها ماتشتغل وهو كل شهر بيعطيها مصروفها ومصروف البيت يعني بيعين لها مصروف كل شهر
تقول هو ما منعني اني ما اشتغل بس قنعني يعني وانا اقتنعت ..
بس هي ضميرها يانبها لانها كانت حاطه فبالها انها يوم تخلص من الجامعه وتشتغل تعطي امها جزء من راتبها يعني لنها امها صرفت عليها وعلى جامعتها مع العلم انه الابو موجود وعندها اخوان وخوات بس الام هي الي تكفلت بروحها تدرس بنتها ،،
وبعد ماتقدر تعطي امها من مصروفها الي بيعطيها اياه ريلها لانه تعرف انه امها مابتقبل البيزات لنها ماتشتغل يعني اكيد من بيزات ريلها
تقول مادري شسوي اشتغل علشان ضميري مايانبي واعطي امي جزء منه والا السالفه عاديه وانا مكبرتنها 
ممكن عن خاطرها تيمع من مصروفها مبلغ تاخذ به قطعة ذهب حلوة حق أمها
يزاكم الله خير ع الردوود تسلمووون
الي في خاطرها ( آخر مرة راويتني حيول الماس اشترته و قالت لي
حطيت فيهم بعد من الفلوس الي عطيتبني ) واااااو وناسه
استانس يوم أمي تمدحني و تقول مثلا المبلغ الفلاني ضفته من الفلوس الي
عطتني إياه بنتي ( فديتهاااا انا و افدى تراب ريولها )
على فكرة أمي أوقاتا يوم أعطيها بيزات تيمعهن و تحطهن في حساب بنتي