انا لي من نك نيمي نصيب كبيييير واتمنى اتخلص منه
مشكلتي الغيره
صار لي تقريبا قريب الخمس سنوات متزوجه
وعندي ولد الحمد لله
ريلي يعني مثل مايقولون مشهور (من الوسط الفني ) يعني معروف
وتعرفن الوضع كيف يعني بنات معجبات وصديقات العمل وزميلات و و و
وانا مشكلتي اغاااار وايد انقهر ماعرف اتصرف
بس للامانه هو وايد يداريني ولامره خلاني اغار من وحده او سوى شي يثير غيرتي
ويقولي تقريبا اغلب الاشياء
بس عاد انا وعقلي الصغير اكرهه باللحظه اللي صارحني فيها او خبرني عن وحده كلمته مثلا او رسلت له شي
يعني من يخبرني موضوع وهو يحليله قصده انه يسولف وياي اتم السالفه في بالي ولازم اسبب عليها مشكله ونزعل من بعض وطبعا يعصب ويقول انا الغلطان اني اخبرج المفروض مااقولج ويرجع عقب فتره يخبرني ويتكرر موقفي ويعصب
والله اخاف من اللي اسويه انه خلاص مايخبرني
انا عارفه غلطتي وادري اللي اسويه غلط بس مب بايدي
عقلي مقتنع واحاول اقنع عمري انه عادي وهو اصلا بروحه ايي يخبرني يعني ولا مره انا اكتشفت شي بروحي
وهو لو مايخبرني ماكنت بعرف بس هو يحب يخبرني ويفضفض لي واخاف اخسر هالشي
ماعرف شسوي والله قلبي يعورني ومحتاااره
اللي تعرف حل تخبرني
او تدعي لي انه الله يهديني ويخفف الغيره اللي فيني
ترى مب شك انا ابدا مااشك فيه وحطيت قبل موضوع انه ولامره في حياتي فتحت تلفونه او فتشت وراه لانه هو مب مخليني اشك
تلفوناته يحطهم باي مكان ماعنده مشكله ويخبرني اغلب اللي يصير له
مممم ادري كلامي ملخبط
بس لانه صج متضايقه من روووحي ومااعرف اتصرف
ما بيصير شي، لا توسوسين دامه انسان سوي ويداريج وخفي من
الغيره ما اقولج ثقي ثقة عمياء لكن كوني معتدله ف غيرتج اذا قالج
شي وتحسين انه غلط صارحيه نفس الوقت اما اذا كان عادي ف تعوذي
من الشيطان وحاولي تنسينه وابدا لا تتضاربين ولا تزعلين من ريلج دامه
ما سوى شي غلط لانه لو طفر من هالشي فتأكدي انه بيطنشج وغيرتج بتزيد
بدال لا تخف وانتي بدورج نبهيه مره انه ما يتمادى ف السوالف وياهن لانج
ما ترضين ب هالشي وعقبها ابدي بس اسمعي وانسي . .
الله يلوم الي يلومج بسالفه الغيره لو مكانج بقوله يعتزل ويدور له أي وظيفه ثانية بعيد عن المتبرجات
المشاركة الأصلية كتبت بواسطة dearlove 
امييين يارب .. ويالج وبال كل مسلم ومسلمه
المشاركة الأصلية كتبت بواسطة مراسيل الوفاآ ما بيصير شي، لا توسوسين دامه انسان سوي ويداريج وخفي من
الغيره ما اقولج ثقي ثقة عمياء لكن كوني معتدله ف غيرتج اذا قالج
شي وتحسين انه غلط صارحيه نفس الوقت اما اذا كان عادي ف تعوذي
من الشيطان وحاولي تنسينه وابدا لا تتضاربين ولا تزعلين من ريلج دامه
ما سوى شي غلط لانه لو طفر من هالشي فتأكدي انه بيطنشج وغيرتج بتزيد
بدال لا تخف وانتي بدورج نبهيه مره انه ما يتمادى ف السوالف وياهن لانج
ما ترضين ب هالشي وعقبها ابدي بس اسمعي وانسي . .
الظليمه شينه بالعكس الموضوع يكون عادي مثلا هديه او معجبه كلمته او يابت رقمه او اي سالفه مادري
اتعوذ من بليس واحاول اطنش بس مااقدر يعني هو يحس اني متغيره ماعرف اجامل
المشاركة الأصلية كتبت بواسطة اسيرت شوق الله يلوم الي يلومج بسالفه الغيره لو مكانج بقوله يعتزل ويدور له أي وظيفه ثانية بعيد عن المتبرجات
ولو قلت له يعتزل بيعتزل؟؟ مستحيييل وايد يحب شغله واايد
وقبل لا نتزوج انا اعرف هالشي
صعبه يغير وظيفته