سؤال عن الاستخارة و الزواج 2024.

السلام عليكم

بنت خالتي متقدلمها واحد وايد يحبها بس هي ماتحبه ولا مقتنعه فيه موليه
بس شو سوت صلت استخارة. مرتين ع هالريال وتمت الملجة بعدمعاناه من اهل بنت خالتي لان اهلها ماكانو مقتنعين فيه والريال تم ورا اهلها لين ما وافقو عليه

هي وايد فكرت وتمت تفكر توافق او لا بحكم هذا اول شخص يتقدملها وهي عمرها 26 يعني مب صغيرة وهي. محد تقدملها قبل وخايفة إذا رفضت اتم عانس طول عمرها لين 36 سنةاو اكثر وهي تحس ما بتنخطب بسرعة إذا رفضته
فهل كونها صلت استخارة وتمت الملجة يعني هالريال فيه خير لها؟ وماشي مصيبة من وراه؟

هي تقول إبتزوجه إذا حبته عقب العرس بتكمل معاه واذا ماحبته ؤلاتقبلته بتطلق

شو ناوية من الحين تتطلق ؟؟ لا حول و لا قوة الا بالله
اذا مب مقتنعة لا توافق عقب تندم و تطلق لان الطلاق بداية لمشاكل كبييييرة …
ليش ما تاخذ وقتها في التفكير شهر شهرين بعدين تقرر ..
الزواج المفروض مرة وحدة بالعمر و طول العمر يعني للابد تتقبله و تعيش معاه … اذا ريال خايف ربه و يصلي ..

مب شرط الزواج الاول يتم طول العمر يمكن الثاني ينجح .. يمكن هي تتزؤج شخص مقتنعه فيه بس هو يطلقها ويذلها!
وشو مشاكل كبيرة إذا ماشي عيال يعني مطلقة بليا عيال

دام هي مب مقتنعه فيه ليش وافقت ع الملجه .. يعني الريال بعد له مشاعره

واذا هي خايفه تعنس ليش تقول ما تحبه ومب مقتنعه فيه ؟

ودام حاطه في بالها الطلاق ليش من الاساس تفكر فالزواج (( بث تجريبي يعني ))

حبيبتي الزواج مب لعبه لازم هي تعرف هالشي ودامها مب مقتنعه فيه وما تحبه تقول الحين .. لان الزواج مب مجرد مجامله وتمشي حالها

الصراحه كسر خاطري الريال اللي شاريها

بالتوفيق

غلا نفسي مشكورة الرد فديتج
هي مب ناوية تطلق مني والدرب
تراها صلت استخارة عشان تستخير ربها فيه عشان تعرف إذا هو زين حقها او لا

اذا هي ما تباه ما كانت بتوافق واهلها مب مقتنعين
العاده الوحده تتوتر اكثر اذا اهلها مب مقتنعين ف الريال
ويبدا الخوف عندها من هالزواج لكن هي استخارت وتمت
الملجه والريال شارنها ف ليش تفاول ع عمرها وهي توها
ف بدايه المشوار؟

ماعرف هل هي ارتاحت بعد الاستخاره ولا موافقتها خوف
من العنوسه لكن اذا كانت مرتاحه ف اكيد هالزواج خيره لها
واذا خوف من العنوسة ما اعتقد انها بتفكر بالطلاق عقب
الزواج

انصحيها اذا الريال ما ينعاب تحاول تتقبله ومع الايام بتحبه
مثل ما يحبها

الإستخارة في الزواج أو غيره تكون نتيجتها بتيسيير الأمور سواء تم الزواج أو لا، و كلا الأمرين يكون خير لها من عند الله هي عليها تتوكل على الله و إذا وافقت و الله ما يريد لها هذا الزواج فأكيد بيتعطل بأي طريقة كانت،،، هذا و الله أعلى و أعلم،،،

تتوكل على الله و الله يتمم لها على خير و يسعدها بالزوج الصالح و الذرية الصالحة و الأسرة السعيدة 🙂

عن تجربة — تقدم لي ريال من فترة وافقت عليه مبدئيا بعد الإستخارة قبل موافقة الوالد بعد ما وصفته أخته لي، سبحان الله! انكشفت لنا أمور عن الريال مب مقبولة فتكنسل كل شيء 🙂 و الحمدلله