خواتي اكتب لكم هذا الموضوع وانا دموعي على خدي بعدها ما جفت…
عمري 31 وما تزوجت من قبل.
معظم فترة العشرينات كنت مشغولة باشياء ثانية ولا احاتي الزواج ابدا ولا احس اني محتاجة هالشي
ولكن علي نهاية تلك الفترة..حسيت انه فيه شي ناقص بداخلي..شي مؤلم في قلبي..احس بفراغ ..بوحده..
عمري ما فكرت اسلك الطريق الحرام او طريق العلاقات عشان اسد هالفراغ …واقولكم تراه هالشي متعب وايد خصوصا هالزمن مع كل التفتح الي صاير والمنكر في كل مكان…..بس الحمدلله ع كل حال..اهم شي الواحد وضميره مع ربه انه يسلك الطريق الصح ..حتى لو كان صعب..الله بيعوضنا خير ان شاءالله ويبعدنا عن الحرام
الحين في هذا السن ..احس الفجوه في صدري كبرت اكثر…
الله العالم متى النصيب بيي ..
لكن الموضوع الحين
هالفراغ العاطفي.. كيف نسده؟؟
تيني فترات احس بضيق ووحده اكثر ..واقعد اصيح …
واحيانا اقول يمكن الشخص المناسب لي مب موجود في هالدنيا..
يمكن ربي ما يبالي الشر..لانه الريايل الزينين في هالزمن نادرين..يمكن ربي ما يباني اشقى مع ريال مب زين..فربما حالي الحين افضل
عندي عمه عمرها 43 لين الحين ما اتزوجت …مسكينه كيف مستحمله؟؟؟ ………
الله يعلم يمكن اوصل سنها بعد ولا اتزوج..فلازم اتعلم الثبات و الرضى بالقضاء و القدر….
بنات ادعوا لي بالثبات ..ادعوا لي انه ربي يخفف علي المي ووحدتي.
اللهم ارزق جميع بنات وشباب المسلمين الازوج الصالحين
ياكثر المتزوجات اللي عايشات عيشة هم وغم .. وفيه بنات عازبات عايشات عيشة ملوك ..
صح هو سنة الحياه وكل بنت نفسها بالزواج وبيت واسره .. لكن ثقي تماما ان كل شي بامر الله وبقضاءه وقدره ..
وترا 31 سنه لسا صغيره .. وربي بيرزقك بالرجال الصالح بأذن الله .. اللي يعوضك كل صبرك ..
يارب يا كريم ارزق اختي عروسة منصور بالرجال اللي يسعدها ويفرح قلبها بالذريه الصالحه ..
لك مني دعوة كل مارحت للحرم النبوي الشريف ..
المشاركة الأصلية كتبت بواسطة بنت العين 99 
اختي انا الاحظ بردودج الجديدة انج مب صاحية …
لاتتحرين كل المتزوجات سعيدات بحياتهن وكل وحدة معرسة يعني مب وحيدة انا شخصيا ومن اقاربنا اعرف حريم معرسات ولا كأنهن متزوجات الزوج ماتشوفه الا بالسنة حسنه او نادر مايسأل عنهم وفي ازواج عايشين مع زوجاتهم بالبيت ووجوده مثل عدمه يعني عزباء متزوجة
وبعض المتزوجات يحسدن اللي مب معرسات يعني هذا حال الدنيا الواحد لو يقتنع باللي معاه كان نحن بخير لاتحطين فكرة ليش ماعرستي فكري بنفسج سويلج مشروع اشغلي نفسج كملي دراستج اثبتي وجودج عندج وقت تبرزين او تتعلمين اشياء مفيده ابتعدي عن تفكير الزواج ولاتنسين دعواتج لرب العالمين ربي يوفقج بما فيه الخير والاخت بنت العين اعتقد انها مراهقة او عمرها 10 11 يمكن انا هاللي اظنه فلا تركزين بردها …
اسال الله العظيم ان ايسر لج يااااارب الزوج الصالح الطيب النقي لي يسعدج دنيا واخررره ياااااارب
المهم اختي استغلي هلايام ف الدعاء وادعي حق عمتج وخل عمتج تدعيلج ترا الدعاء بظهر الغيب مستجاب
ترا الحال من بعضه اختي