أريد خبز الرقاق كيف طريقة 2024.

أخواتي أريد طريقة خبز الرقاق بصراحة طريقة أمي صعبة وايد يعني تستعمل العجين بس مب لينه (( لا لينه ولا غليظه )) وتخبز على طوبي كبير وحار

وبصراحة سويته بالبيت شويه نجح واشويه يفشل شو اسوي يا ربي حتى أمي دامت تنقد علي تراني مليت أخواتي

أخواتي … أختي شافت في قناة سما دبي الحرمة مسويه خبز الرقاق بس العجيبنه وايد رفيعه شرات ماي لما تكب على طوبي وتمسك شغلة وتفرد على طوبي ويستوي رقيق طبعا هذا الخبز حق (( ثريد )) يسونه حق صالونه(( مرق دجاج أو لحم))

علشان جذيه أريد تفاعلكم؟؟؟؟؟؟؟؟؟؟؟؟؟؟؟؟؟

أريد لو بصور توضح بالصووورة

خبز الرقاق يعتمد نوعه انتي شو بتسوين به يعني اذا حق اكل لازم يكون رفيع ولين شوي بس اذا حق الفريد لازم يطلع يابس
العجينه مال الأكل عاديه ( طحين +ماء دافي +ملح +زيت ) بس ما تكون رفيعه وايد ولا تسخنين الماي وايد عشان كل ما كان الماي حار كل ما طلعت العخبزه يابسه
واذا تبين الخبز حق الفريد خلي العجينه شوي ارفع ودفي الماي شوي زياده عن الخبز العادي
ونصيحتي يا عيوني لا تتوقعين انج بتظبطين الخبز من اول مره ولا مرتين لازم ايدج تتعود على المخبز ( الطوبي ) عشان تظبطين الخبز
لأنه الصراحه كل ما كنتي متعوده عليه اكثر يطلع خبز الذ وينضرب فيه المثل
وان شاء الله خير واذا على لوالده لازم بتنقدج عشان ما تتخققين وايد ولا هي مستانسه

شوفي يوم اتحطين العجين على الطوبي لازم ايكون عندج خشبه خفيفه يعني ما فيها عرض بس هيه طول اامسطره الصغيره بس اعرض وفيها سمك اشوي ممكن اتخلين النجار ايقصها وبتكون العمليه سهله

مشكووورة الغالية بس بعدني ما فهمت هالشغلة بس كيف

يعني العجينة تكون رفيعه ونمسك الخشب ونفردها على العجين

هذا سؤالي

الغاليه اخذي عجينه بكف ايدج وحطيها على الطوبي واتيبين مسطرة صغيرة مالت الهندسة او غطى الشريط الكاسيت اتبطلينه وتستخدمين الجزء اللي شرات المسكة او بايدج تفردين الطحين ع جد الطوبي بشكل دائريواللي بيزيد من الطحين اترجعينه بس كله يبي حركه سريعة عسب ما تطلع الخبزه ثجيله..بالتوفيج

تسلمين يا الغالية على المرور الطيب