فديتكن عطني حل كل ما اسوي كيكه اتكون من داخل مثل العجينه يعني نيه وسويت اكثر عن كيكه ونفس الشي
لا تقولون سخني الفرن
او البكن بودر منتهي وغيره وغيره
كلشي اسويه اسخن الفرن وكله اوكي بس الكيه تنتفخ شويه ومن داخل هب شي
اه اه اه اه اه اه اه اه اه اه اه اه اه اه اه شو الحل مع الكيكه مااااااااا يضبط معايه
عطوووووووووووووووووووووووني حل خلاص تعبت كاليوم كيك وفي الاخير ما يطلع اوكي
يوم بتحطينها في الفرن شغلي عليها من تحت بس لين تنتفخ كامل عقب شغلي عليها من فوق وتحت وخلي الحراره 180
ولا تعتمدين على الوقت اللي مكتوب في طرق الكيك لان كل فرن يختلف عن الثاني
ومثل ما قالت لج الأخت شغلي الفرن من تحت اول بعدين من فوق وإن شاء الله تضبط وياج
وهالمرة صبي الكيك فبايركس اكبر حجما عن اللي تستخدمسنه بالعادة عسب تنضى الكيكه من داخل
وإن شاء الله تضبط وياج…
شوفي غناتي صخني الفرن وقبل لا تحطين الكيكه خفي الحراره لين 150 بس وحطي الكيكه لا تفتحين الفرن مدة 30 دقيقه عقب فتحي وشوفيها نظت ولا لا
جربي هالطريقه انا دوم اسويها وتطلع روعه
4 بيضات
2 كأس طحين
كاس سكر
ملعقه بيكنج باودر
كاس ماء مذاب فيه 3 ملاعق حليب بودره او ( كاس حليب طازج )
نص كاس زيت
مع مراعاة المقادير تكون بنفس الكاس ( يني نفس المقاس )
خلطي كل السوائل وحطيها على المقدار الجاف واعيني بالعجانه اليدويهوحطيها في الفرن 45 دقيقه
تقدرين تضيفن الها نكهات ( زبيب او مكسرات )
اكيد انتي ما تنخلين الطحين هذا اول شي
وثاني شي ..لما تحطين الطحين في الخليط ..لازم تحطينه بالملعقة وشوي وشوي ..عشان بدخل فيه الهوا ..
جربي وبتقول هتوون قالت ..
وبالتوفيييييييق…
اول شي لازم تكون كل المكونات المقادير يعني بدرجه حراره الغرفه …البيض الطحين الحليب …الخ ……يعني كلهم تطلعينهم من الثلاجه نص ساعه قبل لا تطبخين
و اتبعي الطريقه
درجه حراره الفرن 180 درجه مئويه
يمكن انتي تستعلين على الكيكه تشوفينها نفخت تتحرينها انطبخت …و مثل ما قالت الاخت قبلي لا تفتحين الفرن لين بعد 30 دقيقه ..دخلي سكين او عود بالنص و شوفي بطلع لح نظيف و لا العجين لاصق فيه ..اذا في عجين لازصق خليه بعد 10 دقايق لان بيكون بعده ما طبخ