أمس كلت شي واااااااااايد عيبني و ابا أعرف كيف يسوونه ( الأكلة كانت دياي مايونيز بس حاشينه ف شو ما اعرف و شكله كان دواري و من برع بقصم شرات كرات بس دويري و مرتب و حجمه وسط هو مب خبز ما اعرف شو بلييييييييز اللي تعرف الطريقة تخببرني بسرعه بليييييييييز )
المطلوب : دياي تفورينه وتفتتينه بايدج … جزر مبشور .. بصل مقطع صغار .. مايونيز .. فلفل أسود .. ملح
سلايس .. بيض .. بقسماط أو خبز مطحون ناعم
الطريقه .. حمري البصل وبعدين ضيفي له الجزر واخلطي اشوي وبعدين حطي عليهم الدياي المفور مسبقا والمفتت و اخلطيهم مع بعض وضيفيي لهم فلفل أسود و ملح و مايونيز تقريبا ملعقتين كبار او لين تحسين انه الخليط تشبع بالمايونيز و غطيهم اشوي على نار هاديه ..
في هالوقت … ييبي السلايس و هاتي كوب دائري فتحته كبيره نوعا ما .. وقصي كل حبه سلايس بشكل دائري بحيث انه الاطراف تروح .. و خذي الشكل الدائري بس ..
الحين عاد هاتي الخلطه مال الدياي واحشي بالسلايس جنج تسوين سندوتشات دياي يعني ..
و صفيهم بصينيه .. بامكانج تكتفين لهالمرحله وتقدمينهم جذه او كملي وياي ..
بعد ما تخلصين تحشين كل السلايس اكسري بيضه في صحن واخلطيها عدل و في صحن ثاني حطي الخبز المطحون أو البقسماط ..
وجهزي تاوه فيها زيت اشوي وسخنيه .. احين عاد غمسي كل سندوتشه كامل في اليبض و عقب في البقسماط و عقب على التاوه على طووول قليها … وهكذا لين تخلصين كل المجموعه ..
وبس خلصنا ….
وهني وعااافيه على قلوبكم ..
هالاكله لذييييييذه والله وما في حد كلاها وما سأل عن طريقتها او أبدى اعجابه فيها خاصه الرياييل عاد يحبون هالسوالف ^^