القهوة الاماراتية 2024.

السلام عليكم
أنا من محبي القهوة الاماراتية بس ما أعرف أسويها لو سمحتو تعطوني الطريقة
( عطي الخباز خبزه لو أكل نصه)

فووووق

حبيت ارفع لج الموضوع

اهم شي نوعية البن المستخدم يكون من النوع الزين

اول شي تقيسين الماي في الدله اللي بتستخدمينها

تترسين الدله وكوب زياده

تحطين الماي في الغوري ( الابريق ) لين ما يغلي

بعدين فنجانين من البن ( القهوة المطحونه )

وتقصرين على النار من ربع ساعه الى 20 دقيقه او 25 ( النار هاديه )

بعدين تطفين النار وتغطين الغوري دقيقتين او ثلاث

في هالوقت تحطين معلقتين صغار هيل في الدله وشوية زعفران

وتصبين القهوه في الدله

مثل ما شرحت الأخت صمت الألم..
بس نحن نخليها من 5 إلى 10 دقايق بس تكفي (وبدون زيادة في قياس الدلة)
لأننا نحبها خفيفة..

احنا بعد هالطريقه

وانتي جربي الطريقتين وشوووفي شو الي تحبينه اكثر

نحن بعد نفس الطريقة بس نحن نحط الهيل في الغوري نخليه ينطبخ مع القهوة
والزعفران نحطه في المناسبات او يوم يكون عندنا ضيوف