السلام عليكم خواتي
أبغي وحده فنانة في الطبخ
تعطيني ارشادات عمل الهريس في جدر الضغط الكهربائي بدقة
كنت أشوف الوالدة تسويها في الجدر العادي على التنور ( يم يم )
بس نحن الحين في زمن السرعة والجو حار
أبغي المقادير مضبوطة ل7 – 10 أشخاص الله يعطيكم العافية
بالدياي أو اللحم
الغاليه حطي الهريس والدياي وملح والماي كثري منه وخليه يطبخ ع نار عاليه 5 دقائق وبعدين اقصري ع النار وتكون خفيفه جدا لمدة ساعه ونصف وسلامتج
انا ما اذكر بس تقريبا 3 اكواب هريس اغسلي وانقعيه 4 ساعات تقريبا وبعدين حطي الهريس والديايه كامله مغسوله ومنظفه في جدر الضغط وحطي دبتين ونص ماي المهم يخطي الهريس وزياده وماجي حبه وحطي فلفل اسود ملعقه وحطي ملح على حسب الرغبه وحطيه على النار اور خمس دقايق طولي وبعدين قصري عليه وخليه ساعه ونص ومسكر عليه زين وبعدين بندي عنه وخليه نص ساعه وبعدين افتحي واذا ماي زياده زليه وطلعي العضم بملعقه صغيره وبس ييبي الدري واضربي واذا يبا ماي اللي زليتيه رديه بس شو لذيذ يم يم
حطي 3 اكواب هريس او اقل شوي ولحم ومغرفة ملح وعود قرفة وذرة هيل وخلية يفور عقب صكري الجدر وقصر على النار خليهااا خفييييييفه لمدة ساعتين عقب بنديه وضربيه
المشاركة الأصلية كتبت بواسطة الدانه 2024 
الغاليه حطي الهريس والدياي وملح والماي كثري منه وخليه يطبخ ع نار عاليه 5 دقائق وبعدين اقصري ع النار وتكون خفيفه جدا لمدة ساعه ونصف وسلامتج
تسلمين حبوبة ^_^ والله السالفة سهلة
المشاركة الأصلية كتبت بواسطة مواليد2010 انا ما اذكر بس تقريبا 3 اكواب هريس اغسلي وانقعيه 4 ساعات تقريبا وبعدين حطي الهريس والديايه كامله مغسوله ومنظفه في جدر الضغط وحطي دبتين ونص ماي المهم يخطي الهريس وزياده وماجي حبه وحطي فلفل اسود ملعقه وحطي ملح على حسب الرغبه وحطيه على النار اور خمس دقايق طولي وبعدين قصري عليه وخليه ساعه ونص ومسكر عليه زين وبعدين بندي عنه وخليه نص ساعه وبعدين افتحي واذا ماي زياده زليه وطلعي العضم بملعقه صغيره وبس ييبي الدري واضربي واذا يبا ماي اللي زليتيه رديه بس شو لذيذ يم يم
ما شا الله أبدعتِ، وما قصرتي على التفاصيل بجرب وبرد عليج إن شا الله يطلع مضبوط