مبروووك عليكن الشهر الكريم
فديتكن بغيت اعرف طريقه الكشري خاطري فيها وبغيت اعرف كيف اسوي الصالونه دياااي
ومشكوراات
جوفيس يبي كيس معكرونه صغير شكل نص قمر واسلقيها وخذي كوب ونص رز مصصري واسلقيه وربع او نص كيس شعيريه واسلقيها وكوب عدس اسود واسلقيه لين يستوي مب ينهرس وحطي معاهم كلهم ملح وفي ناس يحبون مكعب ماجي بس انا احس بدون اخف وبعدين اخلطيهم مع بعض وقطعي بصل جي 4 بصلات شرايح واقليهم بالزيت وخليهم لين يستةوي لونهم بني ومقرمش
الحين الصلصه خذ بصلتين وقطعيها قطع صغيره وحمسيها على النار مع 4 حبات ثوم مفروم وبهارات مشكله وفلفل احمر بودر ( حسب الرغبه ) وملح وفلفل اسود وبعدين حذي خمس حبات طماط كبار وقطعيهم صغار وضيفيها وخلي الصاله على النار نص ساعه عسب الطماط يذوب وتكون ثجيله بس اذا كانت واايد ثجيله زيديها ماي
وبالعافيه
المشاركة الأصلية كتبت بواسطة لوليانو 
السموحه منكم تأخرت وااايد لأسباب خارج عن إرادتي .
…
ببدأ اليوم صالونة دياي …
4 بصل مقطع شرااايح .
حطي زيت مقدار فنيال ،، وحمري شويه البصل .
الدجاج مقطع 8 قطع ..
إتشلين عنه الجلد ،، وتغسلينه زيين ،، وتعصرين عليه ليمونه " عسب الريحهـ والطعم "
ألحين حطي الدياي على البصل مع التحريك ،،
حطي فوقه حوالي 3 فصوص ثوم مهروس .. وحركيه مدة 5 دقايق …
قطعي 1 طماطه قطع مربعات كبار وحطي ع الدياي ..
حطي نص خاشوقة أكل بزار و خاشوقتين أكل ملح ..وحركي .. وخاشوقه صغيره فلفل اسود
حركي ..
حطي ألحين كزبره ورق شويه ،،،
و3 بطاطا مقطعه مربعات وسط الحجم .. وصبي عليه حوالي 1 كوب ماي .
وحركيييه
كوسا حوالي 3 حبات مقطع وجزر أنا حطيت حبه وحده وقطعتها قطع متوسطه الحجم
و 1 ليمون أسود .
حركييه الخليط .
بعد ربع ساعه من التحريك ،،
صبي عليه الماي : (( بخصووص مقدار الماي )) :
ممكن إتحطين لين مستوى الخلطه …
أو حوالي دبتين ماي " الكبير" ..
إتغطينه لين مايفور …
غطي الجدر وخففي الحراره ،، وخليه لين ما يستوي ..
الصورة موب وااضحه ،، جارج الكيمرا ع الزيييرو ^^ زين يوم لحقت …
تزينينه بالكزبره المفرومه ..
عواافي على قلوبكم ..
إن شاء الله يكون الدرس سهل ..
طبعا هالطريقة لذييذه .. وهاي جدا بسيطه ..
طبعا في طرق وإضافات ثانيه للصالونه ،، لكن حبيت أسهل للخوااات اللي ما يعرفن في الطبخ ..
في حد يحط فلفل الكبير وقرع ،، وفلفل الحار … وغيره ..
بس أعيد وأكرر هالدرس للمبتدئات ^^ ..
أي سؤال ؟؟
ملاحظه :
لا حظت في بعض من مواضيعي،، بين الصوراللي منزلتنهن صور مش من تصويري !! شيء غريييييييييييييييييب ،، كيف دخلت صورة في موضوعي مع العلم مافي أي تعديل من حد غيري !! .
شاكه من موقع اللي أنزل الصور ! حد صادفها هالمشكله !.
السموحه منكم طولت عليكن .
نخدمكن ف الافراااح انشالله
والله يووفققكن ف هالشهر الفضييييل