السلام عليكم ورحمة الله وبركاته
طبعا ما اعرف وين احط طلبي
لاني لو حطيت في قسم المطبخ محد بيرد عليه بسرعه
عشان جذا الله يسلمكن
اتمنى من الخبيرات يعطوني طريقة صالونة السمج
ابى طريقة اتبل فيها السمج ومابي السمج يذوب عليه
وتسلمون حبيباتي
للرفع
تسلمين حبيبتي ع الرفع
السمك ينغسل بالماي والطحين عشان الزفر
يتبل بالبزار
او كركم وملح وفلفل اسود وكمون وثوم مدقوق وتخلينه فترة
السمك يتقلي عشان يتحمر من الصوبين
في قدر تحمسين البصل والثوم وتحطين اعواد القرفة لغاية ما يذبل البصل تحطي عيه مكعبات الطماط وصلصل لغاية ما يذوب الطماط وتحطي البهارات اللي تبينها (في بهارات للسمك في السوق) وعقب تحطي السمك شوي تخليه 5 دقايق يتشرب من الخلطة اللي في القدر وتصبين كمية الماي اللي تبينها عشان الصالونة مب وايد بس
ممكن تحطي صبار في الصالونة
ولومي يابس
ورق غار
مسمار
قرفة مطحونة
يتبل بالبزار
او كركم وملح وفلفل اسود وكمون وثوم مدقوق وتخلينه فترة
السمك يتقلي عشان يتحمر من الصوبين
في قدر تحمسين البصل والثوم وتحطين اعواد القرفة لغاية ما يذبل البصل تحطي عيه مكعبات الطماط وصلصل لغاية ما يذوب الطماط وتحطي البهارات اللي تبينها (في بهارات للسمك في السوق) وعقب تحطي السمك شوي تخليه 5 دقايق يتشرب من الخلطة اللي في القدر وتصبين كمية الماي اللي تبينها عشان الصالونة مب وايد بس
ممكن تحطي صبار في الصالونة
ولومي يابس
ورق غار
مسمار
قرفة مطحونة
انا ما احب صالونة السمك..والطريقة هذة ترى حسب ما اشوف امي الله يحفظها كيف تسويها
ღ .. ڛبُحآن آڷڷهُ وبُحمًڍهُ » ڛبُحآن آڷڷهُ آڷعظيمً .. ღ
ثانكس حبيباتي الله يرزقكم الجنه يارب ويهنيكم في دنياكم
ويجعل نصيبكم الجنه
انا ام ريلي يوم اتسويه اتحط السمج اخر شي عشان ما ايلين وايد ويتفتت وايذوب لانه بسرعة ينضى غير عن الدياي واللحم