بناات.. انا مستواي في الطبخ جيد لكن مب مااهرره… بس اذا طبقت شي بعض الاوقات تظبط معاي
ومرات لا…
المشكله ما اعرف اظبط الملح .. هالشي الي يخرب علي .. كييف اظبط الملح وما يستوي الاكل ماصخ
.. استحي جداام الريل اطبخ لأني ما اعرف هالاكل بيكون اوكي ولالا هههه
لأنه ما عندي ممارسه في الطبخ.. عطووني نصااايح كمبتدئه في الطبخ لاني ابي اطبخ برووحي
الغدا والعشااااااا .. افيدووني يزاكم الله خيرر
اذا شفتيه يبغى زيدي )
بهري الدياي ( كركم يشل الزفرة – حطي بهاراتج المفضلة ) اذا بغيتها مسلوقة دايما ضيفي راس بصل – عيدان قرفة (بهارات حب ) و كذلك مع اللحم
سوي الاصناف السهلة في البداية ( خفايف) معجنات
شورابات – سلطات
ما شاء الله القسم فيه وايد وصفات مصورة حاولي تلتزمين بالمقادير
اولا نصحيه لج لاتستعجلين بطبخ على راحتج واخذي وقتج وسمي باسم الله
عندج النظر كيف الطبخ ينطبخ افظل لج للتعليم وثاني مره للي علمتج اسويين جدامها حتى اذا غلطتي بطريقه تنبهج
خلي الوالده او اي احد يوم اطبخون اقوفي جدامهم وورقه وقلم كتبي مقادير وبعدها بيوم سوي نفس طريقه
اطبخي رررررررررررراح تتعلمين على طول
مره مرتين ثلاث بصيرين محترفه
ابتعدي عن الاكلات صعبه وابدي بالفطائر ومعجنات والبيتزا ومعكرونه والسلطات
وبعدها بالمرق والعيوش
وبعدها المجبوس والمحاشي
تره اعرف وحده بعد سنه ياله صارت فنانه بطبخ يعني مو يوم وليله
وطالعي مواضيع البنات طرق الطبخات المصوره هم اسهلون عليج جهد
ولاتستعجلين تره كلنا فتره طويله ياله طبخنا واحترفنا
موفقه
بالنسبة للملح مثل ما قالولج البنات حطي شوي و ذوقي اذا يبغيله زياده حطي و الملح باحساسج انتي بس اهم شي ذوقي الاكل بتعرفي اذا يبغيله زيادة و لا لا …. و لا تستعيلين فديتج اطبخي على راحتج و ان شاء الله تتقنين الطبخ و تستوين ماهرة و شاطرة و يالله نبغي نشوف وصفاتج الحلوة ^^
ربي يوفقج حبيبتي