محلى اماراتي ادخلو 2024.

الشاطرات في المطبخ الاماراتي نبى منهن طريقة عمل عجينة خبز المحلى الي مثل خبز الرقاق بس ناعم وحلو وهش وطريقة خبز زايد رجااااااااااااااااااا خاااااااااااااااص ردن عليه

upupup

اختي الغاليه عندي طريقة بشت زايد مثل ما يسمونه ومجربه ميه بالميه
المقادير….
4بيض
4ملاعق اكل حليب نيدو بودر
10 ملاعق اكل طحين رقم 1
4 أكواب ماء مقاس كوب الجبن الوسط
فنجان سكر او حسب الطلب ازيدين او تنقصين علي كيفج
زعفران وهيل شوي
شوي ملح
ربع ملعقه صغيره خميره
الطريقه..
تضرب المقادير مع بعض في الخلاط زين مازين وكل ما اطولين يكون احسن والعجينه بتكون مثل الماء لا تخافين ولازم تكون التاوه او المغلا جديد وتكون تيفال خاصه بالطبخه وبعد الخلط مباشره تغرفين بملعقه الصالونه شوي وتصبينها في التاوه وتكون يدج خفيفه ادورينها بسرعه والباقي اتردينها علي العجينه عشان اتكون خفيفه مثل القشره وتكون عندج سكين عشان اتفكين الخبزه من التاوه من الاطراف وسامحيني لني طولت عليج

اول مره اسمع عنها بشت زايد انا اعرف محلى زايد

بطريقه اختنا شانيل

السلام عليكم ورحمة الله وبركاته
محلى زايد من أطباقنا الشعبية اللذيذه …

المقادير

كوب طحين أبيض مليان
فنجان سكر
3ونص كوب ماء
زعفران
رشة ملح
4 بيضات
6ملاعق طعام حليب بودره

الطريقه

تخفق جميع المقادير في الخلاط الكهربائي حتى يتكون خليط نفس اللي في الصوره

نأتي بمقلاه نيفال ونمسحها بسمن الدار ونضعها على نار خفيفه ونصب الخليط بواسطة ملعقه كبيرة فالمقلاه ونحركها بسرعه حتي يصبح مثل القرص

عندما تبدأ الاطراف فالاحمرار نقلبه

وهذه صورة المحلى جاهز للأكل ممكن ترشين عليه سكر

شكرا على دخولكم للموضوع وأتمنى أنه يعجيكم …. وقوولولي جان عجبكم ونفذتووه ….:

مشكوراااااااااات خواتي وباجرب الطريقتين مع انهن شكلهن قريبات من بعض — والله يجعله لكن في ميزان حسناتكن

استفدنا معاكى مشكووووورة انت والاخوات

جميل جدا"