.gif "12 (5)")
من قرن تقريباً كنت واعدة انزل اكلة الكبة المقلية اللي امي دووم تسويها بس كسولة واليوم احس فيني نشاط قلت بنزلها لان وعد الحر دين
امانة اللي تدخل تعطي رايها في تصويري والسلطة .gif "12 (11)")
لاني انا بنفسي طبخت السلطة وامي الله يحفظها سوت الكبة هههههههههههههههههههههههه .gif "44 (17)")
هاي صورة الكبة المقلية ماحد يسألني كيف لاني مااعرف خخخخخخخخخخخخخخ انا بس آكل
[IMG]
[/IMG]
وهاي صورة اقرب
[IMG]
[/IMG]
وتقدم مع السلطة اللي طبختها انا بنفسي او تقدم مع شوربة العدس بس يومها سوينا سلطة
[IMG]
[/IMG]
والكبة اللبنية اللي انا شخصياً افضلها عن المقلية
[IMG]
[/IMG]
صورة اقرب
[IMG]
[/IMG]
[IMG]
[/IMG]
وصحتين وعافية تراني اكلت حتى الشبع وبعدين سرت سوي رياضة .gif "12 (56)")
الله يخليج أختي عشان خاطر أعز الناس لج طرشيلي طريقة خلطة الروب إلي حاطة فيه الكبة على الخاص،،،
على فكرة انا بعرف اسويها وطبخي وايد اوكي وبشهادة امي بس بخلي امي تكتب الطريقة افضل
المقادير كيلو لبن يفضل طعمه حامض اكثر عن الحلو يعني ممكن الميلكو افضل عن المرموم او شتورة
3 ملاعق كورن فلاور
صبي اللبن في جدر وتخفقي اللبن بشكل جيد بخفاقة الطعام الكهربائية او العادية ليصبح متجانس
نضع 3 ملاعق كورن فلاور ونضيف عليها ماء نصف كوب تقريباً حتى الذوبان ثم نضيفها إلى اللبن المخفوق ونضعه في جدر على النار والحين اهم شي تبدأي بالتحريك لين يغلي الروب واستمرار التحريك مهم جداً حتى لا يفرط اللبن وبعد الغليان خففي النار وانت الحين تضيفي الملح وتقدرين سماكة الروب اللي تبيها يعني حسب الرغبة لو تحبي الروب مرق ضيفي نصف كوب ماء او خليه سميك
واخيراً ضيفي الكبة و على نار هادئة في الروب لمدة ربع ساعة وصحتين وعافية
وااااااااااااااي شو ها الاغراءات وانا يوعانة… احس خاطري في الكبة
مشكووورة جودي ع الصور الي اتخلي الواحد ايوع ههههههههههههه… ومرحبا بج الغالية ام جودي في المنتدى واشكرج ع طريقة التحضير بخزنه عندي للمستقبل 