ربيان بالخلطه الهندية 2024.

السلام عليكم ورحمة الله وبركاته

هذي اول مشاركة لي واتمنى اكون خفيفه عليكم ان شاء الله

اول موضوع لي … ربيان بالخلطة الهنديه

أول شيء نظفي الربيان من القشر والرمل اللي بالظهر وغسليه بماء بارد وضعية في طاسه وأضيفي ملعقة صغيره هيل مطحون بس مليانه شوي+ 5 أو 6 حبات قرنفل صحيح مع ماء غسيل الربيان (((يعني لا تكثري مااااي))) وخليه على النار حوالي 20 دقيقة ..

في طنجره ثانيه ضعي 4 بصلات مقطعين شرائح + فصين ثوم مقطع صغير يعطي نكهه حلوووووووووووه و ماتبان ريحته + شوية زيت + فلفل أسود حب + 1 ليمون اسود مجفف+ مسمار+ هيل صحيح وحمريهم كلهم الى أن يتغير لون البصل الى البني الأشقر…….

بعده ضيفي الربيان الجاهز (الطريقه السابقه) + فليفله ملونه مقطعه طوال+قرن فلفل حار مقطع + البهارات المطحونه عباره عن بهار مشكل + كركم(كثرية شويه)+ كمون+ كزبره جافه ومطحونه+ فلفل أسود+ مكعب ماجي …. وحركيهم كلهم على النار لمده 3 دقايق الى أن تجف الخلطه …… ثم نضيف حبة طماطم واحده مزال القشر ومفرومه على الخلطه ونحركها لمدة 3 دقايق ……….

نأخذ علبة زبادي ونضعها على الخلطه في الطنجره…………….. ونحرك قليلاً
ونكون مجهزين 1ملعقه صغيره ممسوحه نشاء ومذوبه في ماء بارد قليل جداً….. ونضعها على الجميع ونحرك بسرعه وبتلاحظي ان الصلصه بتثقل وتتماسك…………. وخلاص قفلي النار وترمي شوية كزبره طازجه + قطعة زبده (حسب الرغبه تعطي رائحه طيبه جداً) وتغطي الطنجره الى حين الأستخدام….

بعدين تكوني مجهزه رز أبيض مشخول وجاهز ونضع طبقة رز أبيض في الصحن ثم خلطة الربيان ثم
طبقه خفيفة رز أبيض……………

ممكن تزينيها بشوية رز ملون (رز أبيض+ صفار الزعفران أو أي لون أخر تفضليه)

يمممممممممممممممي يم

ادعـــــــــــولـــــي

شكله لذيذ

يم يم تسلم ايدج ع طبخه الغاويه
بالعافيه

شكلها روووووووعه عيل بجربها

تسلم الايادي بجربه وبخبرج ان شاء الله

لذيييييييذ طرشيلي طشونه

شهيتيني