صالونة هندية خورما بالدجاج………
المقادير:
فنجان سمسم
فنجانين جوز الهند
فنجان فول سوداني غير مقشر
ملعقتين كركم
ملعقتين ملح وحسب الرغبة تذوقي
4 روب مراعي
4بصلات عادي اي حجم
2طماطم
دجاجة
2بطاطس
ملعقة فلفل احمر
ملعقة بهارات
كزبرة شوي على كيفج ونعناع بعد شوي
طريقة التحضير:
اول شي تاخذين المكسرات وتقليها بالمقلاة بس حمريها اقصد بدون زيت مب وايد شوي لين ييتغير لونها يصير بني اول شي جوز الهند بروحة وبعدين السمسم وبعدين الفول ولما تخلصي خليهم بطرف وبعدين دخلي السمسم والجوز بالخلاط الكهربائي وطحنيهم اما الفول اول شي فركي بايدج علشان القشر يطيح عقب اطحنيه بالخلاط والحين دور البصل اول شي قلي البصل بالمقلاة بمقدار فنجان زيت ولما تخلصي صفي البصل من الزيت ودخلي الخلاط وطحنيه عقب شيلي كل المقادير من المكسرات والبصل وحطيهم بقدر مع بعض وضيفي الروب والزيت الي قليتي فيه البصل بعد والملح والبهارات بس بدون نار اخلطيهم بملعقة عقب حطيه على النار وحركي باستمرار الين ما تشوفي لون الصالونة اصفر والحين دور الدجاج اول شي خليه يغلي بالماي ويا اليطاطس طبعا البطاطس قطعيه مربعات متوسطة وخليه يغلي عقب حمري الدجاج شوي مب وايد وبعدها حطيه كلة في الصالونة وضيفي فنجان زيت بعد زيادة وبعدها بتشوفي الروب يفور ويطلع منه الزيت اوكي اخر شي ضيفي الطاطم قطعي اربع قطع وخليه الين ماتشوفي الطماطم ذابت خلاص استوت الصالونة ولما تخلصي تبي تجهزيها للاكل رشي عليها كزبرة من فوق بس مقطعة صغار وبالعافية عليكم انا الصراحة زوجي وايد يحب الصالونة واخيرا تعلمتها وضبطها وايد حلوة اتمنى تجربوها وتخبروني رايكم ولاتبخلو بردودكم……
ان شاء الله بسويها بالدجاج
بس انا احسها كلها زيت يعني دسمة كثير