وايدين يحبون عين الجمل بس عين الجمل اللي يكون شغل بيت اللذ واحلى من اللي ينبااع بالسووق والحمدالله يوم اسويه فالعيييد يخلص من اول يوم ^_^ والكل يقولي انه احلى من اللي فالسووق احم احم وطبعا اييج هشش مش ياابس
المهم بعد هذي المقدمه
مقادير عين الجمل طبعا بطريقتي
2 كوب طحين رقم 1
2 كوب نشا
و3 ملاعق طعام سكر بودره
بيضتين
250 جرام زبده غير مملحه
فانليا
وملعقه بكنغ بودر
ورشه ملح
اول شي اتسوين انج تنخلين الطحين والنشا والبكنغ بودر والملح وخليه على جنب
والطريقه بالصوور
1- اول شي تخلطين الزبده ويا السكر لين مايكون الشكل شرات الكريما
2- ثاني شي اتحطين البيضتين والفانليا وتخلطينه عدل مدل لين مايكون لج بعد شرات الكريما انتبهو زين اخلطو البيض عدل
شوفو الشكل جي بيكون
3- ثالث شي اتحطين الطحين اللي خلطنااه وياالنشا والملح والبكنغ بودر ونتبو انا غيرت الحديده حطيت حديده العجن وبالتدريج انحط الطحين لين مايستوي لج شرات العجينه اللي تقدرين اتشكلينها ^_^
شوفو العجينه الحلوه
4- انشكل العجينه على شكل كور تقريبا كبر حباات البندق بس اكبر شوي
وطبعا اخر شي انييب ماكينه عين الجمل ونسخنها شوي وعقب انعبي الماكينه بالكور وانسكرها لييين مايشب الليت الاخضر يعني يقولج خلاااص نضجت ^_^ وجي بيكون الشكل .طبعا لازم بيكون هناك زواايد بالاطرااف ماعليه شليها شوي شوي بالسجين
واخر شي نحشيها (انا حشيتها بككاو نوتيلا وبالتووفي ) وطريقه التوفي 1 قشطه وفنجانين شكر وشوي زبده اول شي تحرقين الشكر لين مايذوب كله وعقب اتحطيه القشطه والزبده واتحركيين وبسسس
ماعليكم من الشكل ههه بس الطعم واااااو
هذي للي بترد اول وحده ^_^
بس هل يلين البسكوت بعد فترة ولا يتم صلب؟!!
ويعطيج العافية ..
لا فديتج مايلين انتي حطيه بمكان مسكر يعني تمنعين الهوا عنه يعني في مله ولها غطااه
ايماان
تسلمين والله,,انا شراتج والله هياازه بس ناس طلبو مني واستحي اردهم ههه
المشاركة الأصلية كتبت بواسطة hooria2008 
ويعطيج العافية ..
الله يسلمج
تسلمين حبوبه
انا اسويه بس اتنرفز لانه مايطلع مرتب يقهروني الزوايد او في بعض الاحيان تتطلع صغيرة!! خاطري اسويهم كلهم بنفس الحجم ويظهرون مرتبين مثل ما انشوف شغل البنات !!
والمشكلة الثانية اني انا شراتج احشيهم بالنوتيلا والتوفي بس اللي بالتوفي يلين؟؟؟