اليوم …سويت لكم ..كيكـــة شوكليـــــت و ان شاءالله انها حلوه اول مره اسويها *_*
دعواتكم اربي خلال هاليومن و ربي يسهل علي انا و خواتي الحوامل و نربي بسلامه
~ChoCoLaTe ~ CaKe ~
المقاادير :
150 غم شوكلا سادة (مثل الجالكسي مثلا )
4 ملاعق طعام حليب سائل
150 غم زبدة ( تكون بحرارة الغرفة )
150 غم سكر بني
3 بيضات
200 غم دقيق ذاتي التخمر.
2 ملعقة طعام كاكاو بودرة (أي نوع )
الطـــــــــريقة :
_ أول شي نشعل الفرن من تحت على نار هادية أو 350 درجة .
_ ندهن صينية الفرن بالزبدة السايحة ونفرد على القاع شريحة من ورق الزبدة
المانع للالتصاق وندهنها بشوية زبدة .
_ نقطع الشوكولا قطع صغيرة ونضعها مع الحليب في وعاء على نار هادية
ويستحسن وضعها في حمام مائي اذا كان الطباخ عندك حرارته عالية .
_ نخفق الزبدة مع السكر البني في وعاء بواسطة الخلاط اليدوي حتى يفتح لون الخليط
ويتجانس المزيج جيدا.
بعدين نضيف البيض للمزيج حبة حبة….ونخفق المزيج جيدا مع كل اضافة .
_ ونرجع نشوف مزيج الشوكلا مع الحليب ونمزجه جيدا حتى يتجانس ونضيفه لخليط
الزبدة مع السكر والبيض ونخلطه جيدا حتى يتجانس الخليط .
_ والحين نجيب الطحين مع الكاكاو البودرة وننخلهم فوق المزيج السابق ونحركهم
بملعقة معدنية ( ملعقة الاكل ) ونمزج بهدوء حتى يتجانس الخليط
_ ونسكبه بالصينية ونمسحه من فوق ونساوي سطح الكيك وبعدين ندخله الفرن
_ المهم ماننسى اللي بالفرن ياخذ له حوالي 25 _ 30 دقيقة بالفرن و قبل مانطلعه
نتأكد منه وندخل عود خشبي في وسط الكيكة ..اذا طلع نظيف معناه خلاص نطلعها
ونقلبها ونشيل ورق الزبدة عنها ..ونخليها تبرد شوي (حوالي العشر دقايق)
…
الشوكليت صوص:
المقـادير:
300غ من الشوكلاته لوح واحد
1 كوب من كريمة الخفق
1 ملعقة صغيره من الزبده
الطريقـة ..
1- نغلي الكريمة فوق النار ونضيف معها لوح الشوكلاتـه بعد ان يقطع الى اجزاء صغيره
2- بعد ان تذوب الشوكلاته ويغلي المزيج .. نضيف اليهم الزبده ونحركها الى ان تذوب
3- نترك المزيج جانبا الى ان يبرد تماماً
4- نغطي الكيكـه بعد ان تبرد بخليط الشوكلاـهـ وندخلها الثلاجـه تبرد
بالعافيه عليكم….
دعواتكم اربي خلال هاليومن و ربي يسهل علي انا و خواتي الحوامل و نربي بسلامه
الله يعطيج العافيه
والله يسهل عليج يارب وتربين بالسلامه ..
والله يسهل عليج يااااااااااارب وتربين الليله ^_* وتكون ولاده سهله ميسره … 
وربي يسهل عليج وتربين بالسلامة
شكلهااا وااااااايد حلوووه .. بالعافيه عليكم ..
و ان شاااااااااااء الله تربين قريب يااااااااا رب