السلام عليكم ورحمة الله وبركاته
اليوم صدق ماروم ارمس وايد لاني مدوخة
=)
اتفضلوا هالسويت الي معذبني
اف لازم ارمس
الله يطول في عمركم
سيرنا الانجليزي دارس في فرنسا
وانا اتخببببببببببل على هالكريب
والكريب اصله فرنسي اعتقد
فقلت أكيييييد يعرف طريقته
وفعلا يابلنا الطريقة وعلمنا
ومب بس جي
الاسبوع الياي بيعلمنا نسوي كوكيز الي فيه ككاو وكيكة جزر خخخخخخخ هو قال يو ويل لايك ات فور شور
كل اسبوع بيعلمنا شي ^^
حليله والله السير
المهم ياب الطريقة
ونسيتها في الجامعة وكان عنا اجازة اسبوع فسويت سيرج فقوقل الله يخليه
وشفت أقرب طريقة ونفذتها
هالموضوع لكم كلكم وخصوصُا أم راشد
ماحبيت أطول عليج أكثر والحمدلله النت رد لسكناتنا
تحتاجون
أ- 4 بيض
بـ – كوبين وربع حليب
ج – كوب طحينية >> أظن رقم واحد ها مال المعجات أعتقد خخخ
د – رشة ملح
ر – شوية زبدة سايلة
س – ممكن تحطون شوية فانيلا سايلة
………
بس عاد انا قلت بسوي نص الكمية كتجربة
والحمدلله ضبط عدل وياي وواااااااايد فنان عقبال ما نجرب باقي وصفات استاذنا
ههههههههههههههههههههههه
وسويتها مرة ثانية بالصور
وبعد نص الكمية
ممكن نص الكمية تكفيج ل 6 حبات تقريبا
1
صورة جماعية لووووووول
…….
2
شوفوا هم قالو حطو ستيب باي ستيب واخلطو بس الله يخلي جيل السرعة
حطيت كلللللل شي في تفس الوقت وقلت استخدم الخلاط
الطحين والبيض والحليب وشوية ملح وخلطهم " ولو بغيتوا حطو الفانيلا انا ماكان عندي سائل فحطيت البودر =) "
……………………..
3
عقب انا الصراحة ماعرف شكثر يباله زبدة سايلة سرت وخذت كمية بالقبشة وحطيته عالنار > صدق جيل سرعة
…………………….
4
شكله بعد الخلط
…………………….
5
حطوه في طاسة مدري شو اسمه المهم وخلوه ساعتين او اكثر ان شا الله يومين
انتبهوا بس على تاريخ الحليب متى ينتهي
………………………
6
اذا رديتو فتحتوه وشفتوا شكله جي عادي حركوه وبيستوي أوكي
………………………….
عقب ييبو ها ماعرف اسمه هههههههههههههههههه المهم وحطوه وقبله حطوا زبدة وممكن تستخدمونه عقب كذا مرة من دون ماتردون تحطون زبدة
لازم الطبقة تكون رقيقة لو عندكم شي يوزعه وايد اوكي انا ماكان عندي فشكله جميل ادري لول
من تحت بتحسينه تيبس شوي ومتقرمش وها الي نياه وعقب اجلبي على الصوب الثاني
حلاته تاكلينه حار مش لما يبرد
ممكن تحطين ككاو نيوتلا فوقه
ولا جبن
جبن وعسل
مرتديلا
حسب انتي وذوقج
يالله ابي ردود حلوة ودعوات في ظهر الغيب بارك الله فيكم خواتي
يوم اسير السينما
ههههه اسير اطلب منه بالنوتيلا وساعات بالجبن على حسب الـمزاجالحمدالله اتعلمت الطريقه منج و سهله وايد الله يزييج الخير و بسويها وبطالع جانها بتفلح معايه هههههههه =)
ثاااااااااانكس حبوبة….
^.^
تسلميييين حبوبه..