الصراحه حسيته بين الجيز كيك … وحلى الزبادي …
والسبب كان فيه روب وجبن كيري … فعطاه مذاق بين الاثنين ….
هذا اللي يقولكم 2 في 1 …. ترومون علي!!
اول شي نبدأ بمقادير الطبقه الاولى
بسكوت "العدد اللي تبينه" .. انا استخدمت 6 وحسيته وايد
1 م قشطة " للنكهه فقط " .. ممكن الاستغناء عنها
1 م كاكاو بودره
شوية زبده
وهاي مقادير الطبقة الثانيه
2 ك روب "تراه وااااااااايد … يسد بس 1 كوب"
وبدل السكر حطيت 2 م حليب نستله
4 جبن كيري
4 م حليب بودرة
وهاي الثالثه
1كريم كارميل
1 م ص نسكافية
1 ك ماي
وهني للتزيين .. بس ما انصح بها عقب بقولكم ليش
حلوين جي؟؟؟ خلاص!! … في اي سؤال!!….
نبدأ بالطريقة …
1
طبعا معروف ان نطحن البسكوت ونحط الزبده والقشطه والكاكاو ونحطها فقالب متحرك
2
نحط فالخلاط الطبقة الثانيه .. ونضربة ضربا مبرحا …
اللي بتجرب نفسسسس المقادير بتكون الطبقة وايد سائلة .. فالافضل تخلين الروب بس كوب
وتحطينها فالفرن بس لاتحمر .. لاتغلطون غلطتي لان ولدي كان رايج راد مايخليني اخذ راحتي
من يشوفني مشغولة يربع يتلزق فيني اللي يقول هذا هو الولد الحنون ههههههههههه
عقب نصب الطبقة الثالثه ونزين بالاوريو
في وحده لونها افتح عن الباقيات …لان نقص عني الاوريو بالجوكلت
يعني لاتقولون لونها طاير خخخخخخخخخخ << جنه مغسوله بكلوريكس
ويوم طلعناها من الثلاجة …
وهاي شريحه حقي اجرب اللي سويته .. لاني انا ماحب وايد اكل سويتز
وهني وانا اقصقص … وشوفوا الاوريو والسبب اني ما انصح به لانه ماطاع ينقص
بسبة الكريمة اللي داخل يبست فالثلاجة وماطاعت تنقص وخربت لي شكل السويت …
فاضطريت اني اقص كل حبة وفوقها حبة اوريو كاملة …
بس اللي تبا تحط … تشل الكريمة اللي فالنص
وشوفوا طبقة البسكوت وايد غليظة … ماحبيتها
النتايج …
بما اني ما احب السويت فلاتاخذون رايي فالموضوع ههههههههه …
بس لازم اقول رايي .. يعني سوالف ديموقراطية …
انا ماحبيت الطعم يمكن لان وايد روب!!!!!!! …. ويمكن لان البسكوت طبقته غليظة مادري
اصلا ماحبيت السويت كله فلا اتعبون عماركم واتسوونه هههههههههههههههه
لا لا سووووه عشان استانس
آراء الجمهور
وايد حلووووو …. وطعمة غاااوي و لذيذ
بس بعد قالوا طبقة البسكوت غليظة …
شكله لذيذ بس دسم وايد
هذا الحلا طعمه لذيذ أنا مسوتنه من قبل وأنا أنصحكم تجربوه,,وتسلم إيدج
يزاج الله خير
تسلم ايدج والله بس عاد خلينا انجرب اناا اسوويه بس اخف طبقت البسكوييت وهوو خفيف بس يمكن لانج
ظايفه واايد بسكوت وجي
ع العمووم تسلم ايدج
واهم شي عييبهم
وهني وعافي ع قلووبكم