أول شي هالموضوع الاول اللي كتبته عن هدايتي >>>https://forum.uaewomen.net/showthread.php?t=435336
بنات ربي يعلم ان انتوا من الاسباب اللي خلتني ارد لربي … تشجعني يوم تكتبن ان البنت لازم تتقري لربها وان ما تخون ثقة اهلهاا …
هالشي شجعني ع الخطوة …
بس الحين اللي اعاني منه شوو؟؟؟
دوم افكر بتصرفات هالانسااان … أقول شو يسوي الحين .. افكـــر ف علاقتنا قبل وكل كل شي فيه افكر فيه …والله يعلم اني رجعت وتبت لربي توبة نصوحة .. بس دوووووووم افكر فيه من كل النواحي .. افكر كيف كنا قبل .. هالتفكير خلاني ما ادرس ولا اهتم بصحتي … مع اني تايبة وقراري مستحيل اتراجع عنه ان شاءالله…
وافكر ان هوه قالي بيهتدي وبيرجع لربه شراتي <<افكر بكلامه ف آخر مكالمة …. وأخاف أن ارد له عقب واضعف … ما اريد اخذل ربي …
أبـــــــــــــــــــا أنســــــــــــــــــاه أريــــــــــــــد أعيــــــــــــش مرتـــــــــــــاحة حالي من حـــــال البنات ..
بنات قولولي شو اسوي أبا خلاص اعيش بسعاده بقرب ربي بدون التفكير بهالريال الغريب اللي كلمته 6 سنوات بدون هدف..
ماأنسى اني احمد ربي ان هداني قبل لا تزيد السنواات واتعلق اكثر ….
قولولي شو اسوي عشان ابعده عن بالي ويصير انسان ما يهز مشاعري ….؟
والله مارح ينساج .. الله يثبتج يارب
والي سويتيه أفضل شي
ولازم تعرفين ان رب العالمين يفرح بتوبة عبده
وهالا الافكار والوسوسه من الشيطان
خطواته عشان يرجعج للغلط
لازم اختي تعرفين علاقة 6 سنين ماتنتهي بيوم
مثل ماتميتي على الغلط وعرفتي انه غلط وتحملتي الخوف من حد يكشفج او اي شي من هذا القبيل
لازم تصبرين وتتحملين صعوبات عشان تنسين هالافكار وهالشخص
وكل ماتعانين في نسيانه احتسبي الاجر والكفاره
لان مايصيب الانسان من هم ولا غم ولا نصب الا الله يكفر به خطاياه
ف حبيبتي لا تخلين للشيطان مدخل
اول ما يي على بالج اقطعي افكارج بذكر الله
وذكر ربج اعظم
شوفي منو هداج من هالمصيبه وستر عليج
الله
يحب عباده
ن أبي هريرة – رضي الله عنه – قال : قال النبي – صلى الله عليه وسلم – : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .
تخريج الحديث
ظني في ربج خير وتأكدي أن الله عند ظن عبده
ولا تبيبعين آخرتج ورضا ربج و والدينج عشان مشاعر محرمه !!
دايمن استحضري هاشي
لا تخلين الشيطان يغلبج
هذا عدوو مبين
حاولي تكثرين من قراية القران والصوم
ودام بديتي به البدايه الطيبه ف ربج يبا فيج الخير
لاتبدلين الخير بالشر والطاعه بالمعصيه
الحديث وهي قوله تعالى : ( وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة
والله يهدينا ويثبتنا اجمعين
بس انتي ادعي ان الله يبعدج عن وساوس الشيطان
والله يهدي الجميع
بس انتي ادعي ان الله يبعدج عن وساوس الشيطان
والله يهدي الجميع
واكييد الواحد يحتاج فترة عشان ينسى
والشيطان مامات
ولكن لما تذكريين انج على الحق بتفرحيين = )
رضا ربج ولا رضا عبد من عباده ؟؟
ولو هو يباج كان خطبج
يعني هو كان يتسلى
وانتي عزيزة وغالية
اكثري من البقرة والاستغفار وقيام الليل
واسمعي محاضرات وقران
ربي يهدييج ويثبتج وايانا ياااااارب
لاتنسيني من دعواتج ..
ولو تبين حد يسولف ويااج ويملي وقت فراغج ابشري بس خبريني ع الخاص = ) .