فديتكم هذي طريقه لعمل اصابع توست رووعه دوم اسويها انا برمضان وجت على بالي اليوم
قلت خليني انزلها لبنات المنتدى وان شاء الله تعجبكم عاد انا منزله الصور من منتدى ثاني
لاني ما عندي صور للطبخه فدورت صور لها في المنتديات وحصلت مثل طريقة اللي اسويها
واليكم المقادير
توست ( بريد )
حشوه عباره عن ( بصل * وبقدونس * وكزبره * ولحم او دجاج مفروم على حسب الرغبه*
وبهارات مشكله * وملح * وفلفل رومي * وزيت )
بقسماط
وبيض
وجبن سائل لتسكير الاطراف
الطريقه
تأخذين التوست وتقطعين اطرافه مثل هيك
كل اطراف التوست
وبعدين تفردينها لغاية ما تصير لك رقيقه
بعدين تروحين تحظرين الحشوه وهي
تأخذين البصل وتحطينه على الزيت وتخلينه لغاية ما يذبل بعدين حطي الفلفل الرومي
وخليهم شوي مع بعض وبعدين حطي اللحم او الدجاج المفرووم وخليه يتسبك مع البصل
وحطي الملح والبهارات والكزبره والبقدونس واتركيهم مع بعض لمدة نص ساعه مع التقلبي المستمر
وتصير بها الشكل
وبعدين خوذي التوست واحشيه ولفي التوست وحطي على اطرافه شوي جبن بس علشان تمسك
الاطراف مع بعض وتصير بها الشكل.
واذا انتهيتي من الحشو والف حطيهم وغمسيهم في البيض وبعدين في البقسماط
واقليهم في الزيت…
وبكذا تكونين انتهيت وعاد انتي وخبرتك في التزيين…
يلا تعبت من الكتابه بس تصدقون والله لعيونكم يهون كل شيء احس بالمتعه وانا اكتب لكم ربي لا
يحرمني منكم ولا من ها المنتدى الطيب…
وبالعافيه على قلوبكم وقلوب عيالكم واهليكم جميعا
دعواتكم لي
اختكم هتون الامل
تسلمين الغلا ^_^