السلام عليكم ورحمة الله وبركاته
سبحآن الله وبحمده سبحان الله العظيم
مرحبا بكل اللي زاروا موضووعي,,,حياكم الله
اليوم سويت ساندويتشات الدجاج بالجبن…لذيذه وخفيفه,,,
أتمنى تجربونها وتدعولـــي انه الله ايسر اموري واموركم..
المقادير:
× صدور دجاج مقطعه مكعبات صغيرة
نغسلها عدل ونتبلها بـ فصين ثوم مدقوقين + عصير نص ليمونه كبيره + م ط خل ابيض ونخلطهم مع الدياي ونغطي عليها ونتركها على جنب
× بصله متوسطة مقطعه مكعبات صغيره
× قرفه + سماق
× خبز ابيض مب العادي نوع ثاني امتن شوي
× جبن سائل انا استخدم نادك
الطريقه:
× نحمس البصل مع شوية سمنه لين يشقر..عقب نضيف الدياي بدون ما تصفينه وتخلينه على نار هادية لين تحسين الدياي نضى
×حطي م ص من القرفه والسماق واخلطي عدل وارفعيه عن النار…عقب حطي ملعقتين جبن سائل او على حسب رغبتج ( في ناس تستبدله بالمايونيز وفي ناس تمكــس) المهم تخلطينه عدل لين يمتزجون …
× تكونين مقطعه الخبز انصاف وتحشينه بالدياي وتقدمينه…عادي تستبدلين الخبز بالصمون الصغير..
وهني وعافيه
وتفضلوا الصور
وآلسموحـــــهـ حبيبـــآتي
ما شآآآآء الله عليج
مبدعه
تسلم ايييييييدج يالغلا
بجربهن باجر