ابي اقولكم طريقة عمل اللبنه اللي كنها كور بزيت زيتون طبعا للي يحبوها مثلي
بصراحه انا استفدت من غيري فيها اخذتها من منتدى ثاني بس جربتها بصراحه روعه علشان جذية
بكتبها لكم تستفيدون منها مثلي ..
الاشياء اللي تحتاجيها :.
زبادي حسب الكميه اللي تبين بس ترا 4 علب زبادي بيطلع لك نص علبة الجبنه يعني بيروح منها ماى كثير طبعا احسن شئ جيبي السطل حق المرموم..
ملح مطحون _ حبة سوداء طبعا على حسب الرغبه
قطعة قماش مثل فنيله الرجال
صفايه .. طاسه.. طاسه اخرى فيها ماى دافى..
الطريقه
تخلطي الزبادي مع رشة ملح لان ترا لو ما حطيتي ملح راح تطلع مابها ملح لان اللي فيها بيروح مع الماى علشان جذية حطيها على حسب الكميه وطبعا تخلطي معها الحبة السوداء طبعا في حال رغبتك لو تحطين منها بس شوي رشه ..
بعدين تحطين قطعة القماش في الصفايه والصفايه تحطيها داخل طاسه فارغه علشان لمن ينزل الماى من الزبادي بعدين حطي خلطة الزبادي فوق القماشه ولفي القماشه زين يعني اطويها بحيث ما يطلع الزبادي مع الجوانب وبعدها بتجيبي طاسة الماى الدافى بس الافضل بتكون ثقيله وتكون الماى على سخونه شوي وتحطينها فوق الزبادي وبس اتركيها يوم كامل بعد يوم تجيها بتلاقيها ناشفه والماى راح منها وتكون لبنه خالصه لان الماى اتصفت منها .. تمسكي منها وتكورين وتحطي بالعلبه وتكوري وتحطي بالعلبه وهكذا سويها كور ولمن تخلص صبي عليها زيت زيتون ..
ملاحظه ..
لاتاكليها الا بعد اسبوع لا تفتحي العلبه اوكي حاولي تقاومين شكلها ..
الملاحظه الثانيه..
اذا كنتي تبين لبنه ناشفه خالص تخليها يوم كامل ولو كنتي تبيها لينه وانا بصراحه احبها بها ليونه شوي تاكليها وهي ذايبه تخليها 12 ساعه نص يوم او زوديها ساعتين ثلات مع 12 ساعه..
بجربها ان شاءالله
قوليها من اول لم سمحتي؟؟؟؟؟؟؟
بس لو سمحتي أشرحيها من أول
وجزاج الله خير
روووووعه .