بس ان شالله حد يفيدج… وتتخلصين من هالشي…
الله يعافيج ان شالله…
عقب خبرتني دكتورة عن لزقة أحصلها فالصيدليات …. فـ رحت للصيدلية وخليتهم يشوفون الحبة وقلت لهم أبا اللزقة الخاصة بالثالوول وعطوني اياها
تميت حاطتها اسبوع تقريبا ما أشلها … عقب طاحت وشلت وياها الحبة والجلد اللي حولها >.<
المههم ان الحبة طاحت والحمدلله ماردت لي مرة ثانية!!
جربي تاخذين من هاللزق.. للأسف ماعرف شو الاسم بس انتي اسألي اللي في الصيدلية واكيد بيعرفون …
طبعا أنا احط يوميا مرة وحدة لأني أخاف بس هو المفروض اكثر ..
بس الحمد لله نص الثواليل طاحت …
وعندي اللزقة بعد .. مفكرة استخدمعا للثالول تحت الباط .. بس شوي زايغة ..
اخواتي .. بخصوص الموضوع اعلاه
اولا بخصوص السائل ما يحضرني اسمه بس هو سائل حارق ولازم تحطينه بعنايه فوق الثالول بالضبط
وما يخلصج نهائيا منهم ..
بخصوص اللزق .. نفس الامر ياخذ فترة طويله ويمكن ينجح ويمكن لا ..
الحل …
اما .. تسيرين عيادة الجلدية وهم بيشيلونها وفي احتمالية يرجعون
والطريقة المثلى الي تعالجت بها ولا عاد رجعوا لي ابد ..
الرقية الشرعية .. اي والله يا بنات كل يوم اقري عليهم وكل ما تقرين خذي قليل من اللعاب وامسحيهم بها
وان شاء الله في غضون اقل من شهر بتشوفين النتيجة الي تبهرج ..
الي تطبق الرقية تخبرنا شو صار معاها بس لا تنسى مساءلة اليقين بان الله هو الشافي ..
الغالية انا كان ظاهرلي في ريولي بس الحمدلله سرت المستشفى وكوولي اياهم بصراحه انصحج بسرعه تتلاحقين عمرج لان هو ينتقل من مكان الين مكان…
وشي ثاني بعد اتحملي تلعبين فيها وتردين تلمسين مكان ثاني من جسمج على طول راح تنتقل…
وشي ثالث بعد لا تخلين اي شخص ثاني يلمسهم او يستعمل اغراضج الشخصية لانه هو معدي…
وبس واتمنى لج الشفاء الغالية 
الله يحفظج..