الصداع مب مخليني اسوي شي !! 2024.

سلامات اختي ما اتشوفين شر ..

انا مثلج بعد نفس حالج .. و الله و اخس من جي .. تميت 3 سنوات تقريبا .. حتى العصبيه .
زايده عن حدها .. لين ما الله كتبلي قبل سنتين تقريبا اختي كانت بتسافر علاج بالخارج . قلت انا بعد بروح اجيك على نفسي فروحنا الحمدالله جيكوا عليه الدكاتره .. بين دكتور العيون و دكتور حق الراس ..
ف ظهر فيه الله يبعده عنكم .. انتفاخ في الشرايين و توابعه نسيت اسمه .. المهم ..

الله يسلمج الشراين كانوا بعضهم متنفخات متفجرات عندي .. من كثر الضغط عليهم ..
و الله يوم كنت اراجع ساعات انش من الرقاد .. ما اشووف .. مثل العما المؤقت ..

بروحي اسوي مساج حق عيوني .. و الحمدالله ..

بعدين وصفلي ادويه و الدكتورو رديت البلاد تميت اراجع بروحي عند دكتور عندنا في دبي
و الحمدالله انا الحين بخير ما بقولج 100% لأن بين فتره و فتره يصيبني صداع و الضغط .. بس احسن الحمدالله ..

و الدكتور قالي راجعي دكتور اعصاب .. و انا لين الحين ما روحت .. ف ان شاءلله عن قريب ..

و انا اتعالج في عياده خاصه في مركز مزايا و عنده في دبي الطبيه ..

اعتقد فقط من اعراض الدوره .. جريب اتييج هي ولالا ؟؟

انا يصير لي نفس الشي قبل موعدها لو باسبوعين

وماعليج شر الغلاا

واذا عندج امساك هو بعد يسبب صداع

حبوبه الافضل تروحين طبيب اعصاب ويسوون لج اشعه للراس للاطمئنان

والصداع اسبابه كثيره وايد ويقولون ثلث النساء يعانون منه

وخاصه قبل الدوره او اخرها

وممكن بسبب فقر دم او امساك مزمن او يكون صداع نصفي وهذا وايد منتشر ومن كلامج احس هذا الاغلب

انا من سنين اعاني منه وخاصه لو غيرت موعد نومي او اكلي او شميت عطر قوي او ضوء قوي او اكلات معينه او نمت وشعري مبلل

الافضل تطمني لالاول وسلامتج

ونصيحتي لج من تحسين بدايه صداع اخذي بنادول بسرعه قبل لايزيد لانه من يزداد الالم لو تاخذين اي مسكن حتى لو قوي لايؤثر ابد

الله يعافيج

نفسج ..صدااع و احس كان نمل يمشي في راسي .. و لما ارقد احس كاني اتمرجح طالع ناااااااازل …. و ضربني صداع في مناطق معينة .. الدكتورة قالت انه عندي صداع نصفي و مرة تقول الشقيقة .. و مرة تقول فقر دم ….. افكر اسير اكشف لما يضرب الصداع ضربته حسب يعرفون بالضبط شو هو …

الله يشفي الجميع