بقولكم السالفه
والله اني مضايجه 
صار لي سنه متبهدله
طبعا بتقولون هالسوالف مكرره بخصوص الخدم لكن انا في حيره الحين وابغي اسوي خطه ومخي متوقف عن التفكير
قبل سنه كانت عندي طباخه وسايقه
كانو شالات البيت من الجنسيه الفلبينيه
هاييج السنه اتصلت فيه خدامتي الاندونيسيه الجديمه تبا ترد سفريتها بناء على رغبتها لانه
صارت عندها مشكله
ورديتها بناء على رغبتها صارو ثلاث عندي في البيت عقب فتره لاحظت انه اغراضي تنسرق شكيت في الطباخه وفتشت اعراضها بمساعدة الاندوننسيه وطلعن عندها وسفريتها عقب رمضان والفلبينه كانت تقول ما ادري كيف الاغراض وصلن كبتي وتقول لي صار لي فتره طويله عندج وما سرقت ليش بسرق الحين ما سمعت رمستها وغادرت
السايقه تضاجيت من الوضع وكملت سنتينها سارت بدون رده
بدون تفاصيل
من شهر يناير لين اليوم يبت ثلاث خدامات ( العدوى انتقلت لي )
يا اما ارجعهم او اسفرهم
والاندونسيه اللي عندي تكرهني فيهم واطلع فيهم بلاوي
طبعا بيتي عود يطيح الشغل عليه وعلى الاندونيسيه الجديمه
من اسبوع يبت وحده سيلانيه طلعت ما شاء الله ذكيه وشاطره في الشغل وسريعه وما فيها اي عيوب
حتى ما ترمس ولا تتدخل في اي شي في حالها
بس حسيت انه الاندونيسيه تغار منها
المهم
من اسبوع بغيت كاميرا ولدي العود قال لي انا عندي هنتين قام عطاني وحده منهن
انا ما زلت اطبخ اودي الكاميرا ويايه المطبخ عسب اصور هههه اشارك في مواضيع الطبخ
لين يوم الاحد اللي طاف الكاميرا اختفت
اليوم سألت الاندونسيه تمت اصارخ وتراكض وتقول انا ما خذيتها قلت لها انا اقولج ما شفتيها ما قلت لج خذتيها قالت ولدج العود خذها كانت فحجرته قلت لها هاي اصلا كيمرته ولو يباها بياخذها مني
ما بيغافلني اعرفه ركضت عند السيلانيه تقول لها طلعي الكاميرا قلت انا ليش تقولين جيه قولي لها بندورها السيلانيه بحلقت عيونها قالت انا ما شفتها اصلا
قلت لهم دورها وبتظهر بهدوء ارمسهم وسرت المطبخ
يتني الاندونسيه اول قالت ولدج سرقها قلت لها شقا يسرق كيمرته !!
بعدين عيب عليج تقولين عن ولدي جيه الحمد لله الخير عنده ما يحتاي يسرق وكيمرته بعد
وجان اقولها يعني تبغيني اقول انه السيلانيه سارقه قالت لالالالا استغفر الله السيلانيه زينه
قلت عيل ليش تسوين هالحركات قالت اخصمو من راتبي قلت لها ليش اخصم انتي سرقتي الكاميرا
قالت لا …… قلت لها شكلج تبين تسوين مشاكل وبس
تمت تصيح قلت لها اظهري ابا اكمل طبخي
ظهرت
وانا محتاره
يا سيدات الامارات والله مب موضوع سرقة هالكاميرا اقدر آخذ غيرها السالفه فيه شي يصير فبيتي
ما اعرف اشوه هوه ؟؟
عندي دريول يديد وكانت الاندونسيه تودي اكله طرشت السيلانيه مره تودي اكله زعلت عليه الاندونسيه
وتمت ما ترضى تودي الاكل !!!
شو السالفه
اربع وعشرين ساعه تستغفر وتصلي وما تودر القرآن
ريلي يقول ما تبا حد وياها يوم بروحها انتي تشتغلين وياها وتطبخين وآخر الشهر تزيدين معاشها
وتسمحين لها تدخل الغرفه من الساع 8 طبيعي ما تبا حد وياها
الزبده
منوه منكم تقدر تحط لي خطه اعرف فيها منوه السارقه
؟؟
ما ابغي اعفد حجرتهم وافتش او اطرشهم برع وافتش
الاندونسيه مب سراقه انا متأكده بس ظنكم خشت الكاميرا عشان ادبس السيلانيه لانه السيلانيه ما فيها عيوب من ناحية الشغل ما شاء الله عليه شوبيك لوبيك اللي اباه تسويه لي
او انه صدق السيلانيه سرقت
؟؟؟
عقلي متوقف
فكروووو عني
المشاركة الأصلية كتبت بواسطة Um_Raian 
انتي الذكيه اللي بتحطين الخطه لانج ادرى بظروفج واسلوب خداماتج
وللمعلوميه الاندنوسيه مب شرط تقراقران وتصلي يعني تثقين فيها
خدامة اهلي كانت تقرا قران طول الوقت وتصلي ومن وراهم تطلع ما ندري وين كانت اتسير
وكانت تعرف رياييل بعد
شخباارج
اناا كررررهت شيي اسمه اندونيسياات
كيييف اصلا رجعتيهاا انتي
اصلااا البشااكيير عاامة يووم يسيروون ويردوون يستلعننون زيااده
فماا بلج بهالجنسييه الله يقرفهم من متمنكراات لوووعه
انااا ماا عنديي خداامه من عرسست وعندي ثلاث عيال ربي يحفظهم
اول ماا عرست كنت في بيت اميي ويشاكير بيت اميي يسوولي اللي ابااه
فيي حملي الاول
الحمل الثاني بعد ماا ربيت ب 7 شهور
طلللعت فيي شقه
الحينه كملناا سنتي بدوون خداامه وهااي الثلاثه والنااس كلونيي
كييف تروميين بدوون خداامه اوللهم اهلي
الحين جرييب بنتحول بيتنا اليديد خلال هالاسبووع
واناا موؤقتا يالسه عند امي اللين ماا نحول السامان
ونفرش اليديد
بسسس والله اناا افكرر في الراحه النفسسيه قبلل كلل شي لانا الخدم
اولا اخااف من سوالفهم
وبعد ماا ابي اظلمهم
لاني اناا ماااامن على بيتي وعيالي منهم
كلل ماا افكرر ايييب احسسس ابغمم في قلبي واحسس باكتئااب مااا ادري كييف
اللحينه في بيتي اليديد ام ريلي خذتهاا معاي وويااهخداامتهاا الاثيوبيه زيينه وايد
هيي شووي بتشلل معااي
فيي بعض الاشيااء اللي تكسر الظهرر مثل الكوي والحمامات
وانااا طبعاا حق الطبيخ والعيال والريل لووووووول
وهااي هي قصة حياتي