بنات في وحده انا اعتبرها توأم روحي وربيعتي و اختي وقدومتي على قدر ماهي عليه من اخلاق وحسن تصرف ووعي وثقافة ،،
ووايد تقدموا لها للزواج وللإرتبآط بهآ رغم انها مكتوب كتابها ( ملجتها ) من 5 سنين على واحد لكنه لم يتم بعد عمل حفل الزفاف والتشهير لأن المعروس دوووم مشغول ويسافر من دولة لدولة واخر سنتين ثلاثة ضاع الحب اللي بينهم و ساد بينهم البعد والجفاء وقام يتهرب منها والظاهر انه متزوج في المغرب و زوجته الثانية حامل بعد المهم هذي البنت ضاع من عمرها 5 سنين و البنت كل مالها تكبر وتزيد فالعمر والأهل طبيعي يخافون على بنتهم وينصحونها بالخلع من هذا الشخص الوضيع وكانوا يرحبون بإستقبآل اي معرس جديد لها ويوم يتتقدمون لها ترفضعهم مع ان الرياييل الي تقدمو لها واااااااااااااايد زينين بشهادة البنت نفسها ، لكنه كانت دوم تصيح عندي و تتضايج وتكتم الأسباب
قمت احس ان في شي بالموضوع ، الموضوع شد انتباهي لآن مب واحد ولا اثنين خطبوها لالا أكثــــــــــر بواااااايد ، قلت لها ابي اعرف بصراحه انتي تواجهين مشكلة معينة تعطل زواجج أو الموافقة على الخلع من الريال الاول ؟
قالت لي لا اهلي يتمنوني أتزوج واترك الشخص الواطي اللي ضيع من عمري 5 سنين لكن …
قلت لها : لكن شو؟
قالت : انا فيني عيب ومابا أحد يعرفه
قلت لها : خبريني انا بساعدج مهما كانت الظروف
قالت لي : أنا أصبحت امرأة وفقدت عذريتي بعد عقد القران بيومين " ولا حد يعرف بالموضوع الا هي و زوجها وام زوجها حسبي الله ونعم الوكيل فيه وفيها حسبي الله ونعم الوكيل "
قالتلي شو أسوي؟ محد بيرضى فيني ، لو كنت جميلة وبنت ناس و عرب و أخلاق و أهلي معروفين بين القبايل ، … قالت لي والله ما لمسني الا يوم اصبحت زوجته على سنة الله ورسوله وبعد اقناع امه لي ودرايتها بكل شيء قالت أنا والله ما احبه ولا ابيه ذلني في هالـ 5 سنوات وانا اتمنى من الله ان يغفرلي ويسامحني ويحررني من هذا الموضوع رغم انها مظلومة ولا عملت شيء يغضب الله …
قالت لي والله خاطري افرح و اييب عيال و أربيهم وأهتم فيهم بس شو أسوي؟ ودي أجرب العمليات الي ترقـع الغشاء حتى اتطمن على مستقبلي واطلب الطلاق او الخلع بعين قوية … دخيلج ساعديني اني ارد بنت …
بصراحة انا سمعت مشكلتها و للأسف كسرت خاطري.. هي وااااااااااايد انسانه غاليه علي واحبها واعزها واقدرها واحترمها هي بمثابة اختي العودة وهي مظلوومة .. خطري اساعدها .. ابي عناوين وارقام عيادات ومستشفيات واطباء ودكاترة بجميع الامارات لعملية ترقيع غشاء البكارة ؟! وكم تكلف كيف اسعارها
انا قرأت بجريدة الامارات اليوم ان هذه العملية مصرح بها للنساء المتزوجات و ان القوانين ما تمنعها للمتزوجه هي تعتبر متزوجه تروم تاخذ للدكتورة عقد القران ..
أرجوكم دخيلكم الحل … بنات لا تبخلون عليها بالحل والله ييسر أموركم ان شالله ويستر عليكم وعلى جميع بنات المؤمنين والمؤمنات والمسلمسن والمسلمات ..
يفضل التواصل على الخاص ايضا ..
وبنات المنتدى كتبوا وااايد عنها