اليوم خواتي كان عندي موعد في المستشفى لتحليل سكر الحمل الله لا بلاني ولا بلاكم فيه إن شاء الله، من الساعه 7:30 الصبح وأنا هناك وميته من اليوع خذوا مني أول شي تحليل الدم والبول وأنا صايمه وبعد شوي نادوني وشربوني جلوكوز وهو عبارة عن قطر بالضبط ما في فرق في الطعم حتى طعم ماء الورد مركز فيه ، وقالوا لي ارجعي بعد ساعة عشان التحليل ، بصراحه هذي الساعه كانت مثل الجبل على قلبي كنت أحس بحرقه ولوعه وأريد أرجع ما أدري ليش وفجأة حسيت بشعور اني أريد أرقد ، وبعد ساعة خذوا مني تحليل دم وبول وقالوا لي ارجعي بعد ساعة ولكن بدون ما تاكلين شي في هذه الفترة بس ماء ، ورجعت بعد هذي الساعة وخذوا مني تحليل دم وبول وقالوا لي خلاص تقدرين تفطرين وتسوين اللي تبينه وروحي والنتيجه في موعدج القادم ، أريد أعرف النتيجه واطمن لأني ما أريد يصيبني السكري ، في أحد يعرف من الأعراض اللي صابتني وهي اللي ذكرته قبل بعد شربي للجلوكوز إذا صابني السكري أو لا ؟؟؟؟!!!! ريحوني بنات وادعولي الله يوفقكم:22 (15):
وينكم يا سيدات الأعمال أحد يرد علي ويريحني
حبي هذا عدي يسوونه في كل حمل عشان يتأكدون وبعيد الشر انه ما فيج هاي اجراءات وتحاليل عاديه وانا بعد سووا لي الغلا لا تحاتين ويوم النتيجه طمنينا
ومب شرط يعني فيج ما يسوون هذا من باب الإحتياط الغلا
ومب شرط يعني فيج ما يسوون هذا من باب الإحتياط الغلا
حبوبة انا مسوتنه و هههههههههههههه رقدت في لوبي المستشفى و كنت شراتج ميتة يوع و الحمدالله ما طلع فيه السكري……..و لا تحاتين أعراضج طبيعية:1 (19):
لا اتحاتين حبيبتي ان شاء الله مافيج الا كل عافيه
هذا شي طبيعي يسونه لكل حامل
انا سوولي ولاني كنت امكثره حلويات في ذيج الفتره قالت ان فيني شوي سكر الحمل
بس الحين ربيت والحمدلله مافيني الا العافيه فلاتحاتين شي ..
ان شاء الله ما فيج لان اعراض السكر غير
تسلمون حبيباتي والله ويعطيكم ألف عافية ويسعدكم وينور دربكم والله يوفقكم