بنات الله يخليكم الموضوع خوفني 2024.

بختصار وبدون لف ولا دوران انا ولدي عمره تقريبا 10 شهور وديته يطعمونه
و قالت لي الدكتوره ان ولدي فيه فتاق طبعا هالشي انا عارفته من 5 شهور يس
واللي زاد الامر سؤ اني كلما قلت لحد قالي قولي والله مسكيييييييييييين ياربيه وحسسني ان الوضع خطير
ملاحظه ولدي كان طبيعي لين سالتني وحده ولدها كبر ولدي قالت سرة ولدي بارزه اخاف يكون فتاق ولدك مافيه شي قلت لا الحمدلله طبيعي وعقبها بايام معدوده صار فيه فتاق
المهم
اللي مارين بها الحاله قبل شو سويتو بعيالكم انا قالو لي بعد سنه لوماراح لازم يتحول جراحه بس انا اخاف ياثر عليه اذا كبر لان واحد يقال انه سواها واثرت عليه مايقدر ينام مع زوجته
تكفون ادعو له ترا دعاء المؤمن لاخيه المؤمن بظهر الغيب مستجاب فمابالكم لطفل

سمحيلي الغالية ما اعرف
بس ما اظن الموضوع خطير وتوكلي على الله
هم يقولون له مسكين ويتحسرووون عليه لأنه ياهل ومعور قلبهم
صدقيني ما فيها شي …… وعليج بالدعاء الصادق

الله يحفظج ويحفظ عيالج

الموضوع مايستاهل هل خوف كله ………لأن انا سويت العمليه حق ولدي وكان عمره 5 شهور وطايح بسبع أشهور والحمدالله ماشي خوف………والحين عمره سنتين …….أتوكلي على الله

ما عندي فكرة بس حبيت ادعي له الله يشفيه وما عليه شر ان شاء الله

قومي الليل وادعيله و ربي يعافيه ن شاء الله

الله يعافيلج اياه و تشوفين عياله و عيال عياله

السلام عليج غلاتي ..

فديتج انا اخواني الثنينه مسويين لهم هالعمليه..

وايد بسييييييييطه شقتها تقريبا عقلة الاصبع..

هذا و هم مسويينها من كانوا صغار يعني تقريبا من 13 سنه..

و الحين اكيد الطب تطور يعني توكلي على الله و لا تحاااتيت يا الغلا..

بس ها طبع فينا من نسمع ان فلان فيه شي نقول حليله و مسكين..

..

فديت عمرج انا ولدي عنده فتاق، و الحين الله يخليه عمره سنه!
قال لي الدكتور اذا كمل سنه و نص او سنتين بدون ما يسكر، يباله عمليه، و شرحلي شلون بتكون العمليه! قال لي لا تحاتين، لأن العمليه بسيطه باذن الله، و ما تأثر بالسلب ع الياهل!
الله يعافيهم ان شاء الله، و يشفيهم، و ما يحتايونها العمليه