انا محتاجه دعواتكم الصالحه
اختكم اليوم راحت اتسوي فحص الحمل لاني كنت مسويه الانابيب واليوم النتيجه وطلع
ماشي حمل والحمدالله اللهم لا اعتراض بس كان في خاطري اكون ام واكثر شي
مضايقني ريلي كان ودي افرحه بس مابليد حيله
والله وايد نفسيتي تعبانه الله يرزقنا الزريه الصالحه والله يعوضنا وافرح ريلي
وخواتي ارجوكم لا تنسوني من دعواتكم والله يوفقكم ويزاكم الله خير
الله يرزقج بالذريه الصالحه…
الله يفرح قلوبكم حبيبتي عما قريب .. وإن شاء الله تقر عيناكم بشوفة ذريتكم .. يا رب ..
سبحان الله .. " وعسى أن تكرهوا شيئاً وهو خير لكم "
^_^ إصبري إختي .. فما بعد الصبر غير الفرج وما بعد الهم والعسر
إلا كل خير ويسر ومخرج إن شاء الله تعالى ..
على ردودكم الطيبه والله ان صح انا وايد متضايقه بس يوم اتذكر ويه ريلي
وتصرفاته وان كلامه البارحه انه يستوي اب ويتخيل ولده يلاحقه في البيت
والله اني مب قادره يارب انت العالم ما في النفوس اللهم لا اعتراض
يارب اتسامحني اللهم لك الحمد والشكر بس الانسان ضعيف
يارب اتصبرني والله يوفقكم خواتي وما قصرتوا