حبيباتي دخيلكم شوروا عليه .. انا حامل بالشهر التاسع بالاسبوع ال 37 وقريبا بدش ال38 ان شاء الله
من كم يوم صار عندي مثل الطلق يروح ويرجع المهم زاد عليه البارحه بالليل ورحت المستشفى وحطوني ع الجهاز والدكتوره قالت نبض الجنين وايد عالي يوصل لل 185 نبضه ( بسم الله عليه ) والمفروض الطبيعي بين 140 و160 من كلامها ..هذا غير انه عندي يبين ع الجهاز طلقات قويه بس غير منتظمه ..
المهم قالت عندج حمى ولازم ترقيييييد عشان نسوي لج محلول ونعطيج دوا يخفف الحمى ويقلل الجهد ع الجنين .. المهم رقدت لليوم الثاني والحمد لله ع الفجر رد النبض طبيعي بحدود 155 نبضه يعني انتظم والطلق راح .. فظهرتني ع اساس اني ارجع في حاله ردت الحمى لانه قالت ساعتها لازم طلق صناعي وتوليد ع طول لانه خطر ع الجنين يتم يتعرض لها الجهد وانا حمى وبنهايه الشهر .. انا تميت زايغه وخايفه ومب عارفه شو اسوي .. رحت البيت واول ما وصلت وعقبها بساعتين ردت لي الحمى وجسمي كان ينتفض ولساني ثقيل واحس انه ركبي وفخوذي ما يشلوني من الالم .. وصلت حرارتي ع الترمومتر 37 و4 يعني شي بسيط بس الالم صعب وانا اصلا حرارتي العاديه 36 ونص يعني فيه ارتفاع ملحوظ عن الطبيعي .. المهم خفت اروح المستشفى وخذت ادول 500 والحمد لله كلها ساعه وراحت الحمى .. الحين بغيت شوركم هل اذا رجعت الحمى اسوي بكلام الدكتوره واروح عشان يولدوني بطلق وانا الرحمم عندي اصلا مسكر ولا نص سم فاتح .. ؟؟ والا استمر ع الادول واتوكل ع الله وانتظر ولاده ربي الطبيعيه ؟؟ حد صار له مثلي ؟؟ ارجووووكم ساعدوني انا خايفه ع الجنين زود ما خايفه ع عمري وانا مجربه الطلق الصناعي وعارفه انه مووووت بس بعد ما متشجعه .. وخاصه انه الحمى عندي شكلها تيي وتروح يعني انا فعلا تعبانه منها .. هذا غير انه عندي سكر الحمل عالي لا وفقر دم بعد ..
ادري عورت راسكم بس منو لي انتو خواتي وعسى ربي لا يظركم ويراويكم اللي اشوفه .. انتظر الرد ع جمر لانه خلاص ماباقي شي لازم اقرر ..
والسموحه ع الاطاله
انا يوم كنت حامل ببنتي الأولى يتني حمى فظيييييييعه ولا طاعت تنزل او تستقر اسبوع واتنومت فلامستشفى اسبوع … بس انا غير عنج لاني كنت فالشهر الخامس مش التاسع واذكر كانت دقات نبض البيبي سريييعه عشان جيه الدكتورة نومتني فالمستشفى وكانوا يضريون المضاد فالوريد
حبيبتي الحمى خطر على الجنين وعليج فلا تهملين عمرج واتوكلي على رب العالمين والله يسهل عليج ان شاء الله
والله غمضتيني
ان شاء الله ما اتشوفين شر واتقومين بالسلامة وطمنينا عليج
وااايد فديته واول ماطلعوه وشافه ريلي واماية وعموتي كان مزرررررق وعلى طول حطوه في الانعاش
وانا كنت محمومه وفيه فقر دم
حرام عليج وتاخذين ادول بعد ……………
ارحمي الياهل صدقيني خطر اتمين على هالحالة وبعد الرحم ولا فاتح عندج؟؟؟؟؟
اتوكلي على الله وسوي العملية وانقذي الياهل وانقذي نفسج
الله يحفظكم
إختي أنا آخر مولود لي كان نبض البيبي عكسج واااايد خفيف والماي ناقص وحجم البيبي صغير
كنت رايحة بس للمراجعة وكنت في بداية الأسبوع 37 وقالتلي الدكتورة ترقيييييييييييييييد
وباجر الصبح ولادة بطلق صناعي و90% قيصريه لأن الرحم ما كان مفتوح عندي
ولا نص سانتي حتى .. تعبت فالبداية لكن يوم شفت كتكوتي فديته خاز التعب الحمدلله
فأنصحج اللي بتقولج الدكتورة إياه إمشي عليه فديتج 
لأنها هي أدرى أكثر منج بحالتج
وحالة البيبي ، الله يسهل عليج إن شاء الله ويقومج بالسلامة ويرزقج بمولود كامل معافى
لا زيادة فيه ولا نقصان .. ويرزق كل متزوجة خاطرها بعيال .. اللهم آميــــــــــــــــــــــــن
ربي يسهل عليج ياااااارب
ويرزقج الذريه الصالحه