أخواتي الحوامل … شو معلوماتكن عن دم الحبل السري ؟
أكيد كانت مثل معلوماتي المتواضعة سابقا .. انه دم يغذي الجنين و بعد الولادة يتخلصون منه لانه خلاص انتهت مهمته ….
لا … على العكس …. بل بدأت مهمته الانسانيه بعد الولادة … و ذلك بموافقة الام طبعا ..
في حملي بأبنتي بديت المراجعة في مستشفى الواحة ( العين ) ( المستشفى الوحيد على ما اذكر الي كان يقوم بعملية جمع دم الحبل السري)..
ما شاء الله على اهتمام المستشفى .. من اول يوم مراجعه يعطونج كتيبات .. و امور تهم الام ..
عطوني كتيب عن ( الخلايا الجذعية ) .. و هذي الخلايا أساس كل شي في جسم الانسان ( سبحان الله ) .. اساس الدم ( يعني يعالج امراض الدم ) .. أساس العظم ( يعني ممكن يعالج امراض العظام ) .. و توجد ها الخلايا في دم الحبل السري فقط … و يجب الاحتفاظ بهاخلال 48 ساعة من الولادة و في درجة حرارة معينه …
و منها بدأت رحلة الاستفسار و السؤال عن فوائد دم الحبل السري ..
و فعلا وجدت ضالتي عندما اتصلت بالرقم الي في الكتيب .. و ساعدتني الدكتورة ( بان ) و هي تعمل في مكتب في دبي تابع لمكتب تجميع الحبل السري في لندن ( Smart Cells) و طبعا عطيتهم المقدم 2000 درهم .. و بعد التجميع عطيناهم باقي المبلغ 8000 درهم .. ( في مجال لتقسيط المبلغ اظن .. بس انا دفعتهن مره وحده و فكيت عمري) و سيتم الاحتفاظ به في مركز لدم الحبل السري في لندن لمدة 25 سنة
و ارسلت لي الدكتورة (بان) الظرف الي فيه كل المستلزمات الي يحتاجونها لجمع دم الحبل السري .. و راويت الدكتورة في مستشفى الواحة .. و استانست وايد 
.. و كتبت في ملفي كل شي عن موضوع الحبل السري ( و الحمدلله انها تواجدت معاي في الولادة) ..
و هذا موضوع احدى الخوات جزاها الله خير … و فيه شرح وافي عن كيفية الاستفادة من دم الحبل السري
https://forum.uaewomen.net/showthread…C7%E1%D3%D1%ED
نداء لخواتي الحوامل … اذا كنتن في غنى عنه الدم .. ترا ممكن تتبرعن فيه و لكن الاجر العظيم ان شا ءالله … و الدال على الخير كفاعله …
انا بعد احتفظت بالحبل السري بس في البلاااد.. هي نعم.. في مستشفى الوصل.. لا لندن ولا باريس
انتي شو ضمنج ان الكفار ما يسوون عليه تجارب؟؟ او يستعملونه في عمليات الاستنساااخ؟؟ او و او و او
انا كنت شراتج.. شفت هالكتيب في مستشفى الزهرا في الشارجه و الحمدلله اني ملقوفه و جن اسال الدكتوره "اميره" و جن تلبق .. وقالت منو اللي حاط هالكتيبات؟؟ و الاسعار الخياليه هاااااي؟؟ و ليش المملكه المتحده و نحنا عندنا في البلاد؟؟
المهم عطتني رقم المركز في مستشفى الوصل و كلمتهم و وقعت على اوراقهم "اذا كنت متبرعه ولا لنفسي" ووديت الاوراق اللي يبونها
وولادتي كانت في الحمريه.. كلمتهم اول ما وصلت المستشفى و بعد ولادتي على طول شلو الحبل (روحهم يو خذوه)
وبعد الاربعين رحت الهم عشان الدفع و عشان تحليل الدم.. وعااد اقووولججججج
ودوني وراووني وين يحتفظون بالدم وشو يسوون فيه حوطوني هناك عشان اطمن و اعرف السالفه و الحمدلله تمت عملية الاحتفاظ و مادفعت غير 2500 وبعد دفعي بثانيه نزلو قرار رفع السعر خخخخخخخخخخخخخخخخخخخخخخخخخخخخخخخخ سلمت والحمدلله.. خيره بس عاد نسيت كم رفعوه
لا لندن ولا غيره .. هي وبعد قالولي اذا حد احتاج خلايا و خلايا بنتي طابقت خلايا المريض بيتصلون يستاذنون و ياخذون موافقتي و اذا ما وافقت ع كيفي و اذا وافقت بيحتفظون بدم حبل الياهل الجديد مجااااااانااااااااا
ودمتم سالمين
المشاركة الأصلية كتبت بواسطة قصايد الهاملي 
العفو الغالية …. و تسلمين على الدعوة الطيبة
المشاركة الأصلية كتبت بواسطة Ms.DanteeL انا بعد احتفظت بالحبل السري بس في البلاااد.. هي نعم.. في مستشفى الوصل.. لا لندن ولا باريس
انتي شو ضمنج ان الكفار ما يسوون عليه تجارب؟؟ او يستعملونه في عمليات الاستنساااخ؟؟ او و او و او
انا كنت شراتج.. شفت هالكتيب في مستشفى الزهرا في الشارجه و الحمدلله اني ملقوفه و جن اسال الدكتوره "اميره" و جن تلبق .. وقالت منو اللي حاط هالكتيبات؟؟ و الاسعار الخياليه هاااااي؟؟ و ليش المملكه المتحده و نحنا عندنا في البلاد؟؟
المهم عطتني رقم المركز في مستشفى الوصل و كلمتهم و وقعت على اوراقهم "اذا كنت متبرعه ولا لنفسي" ووديت الاوراق اللي يبونها
وولادتي كانت في الحمريه.. كلمتهم اول ما وصلت المستشفى و بعد ولادتي على طول شلو الحبل (روحهم يو خذوه)
وبعد الاربعين رحت الهم عشان الدفع و عشان تحليل الدم.. وعااد اقووولججججج
ودوني وراووني وين يحتفظون بالدم وشو يسوون فيه حوطوني هناك عشان اطمن و اعرف السالفه و الحمدلله تمت عملية الاحتفاظ و مادفعت غير 2500 وبعد دفعي بثانيه نزلو قرار رفع السعر خخخخخخخخخخخخخخخخخخخخخخخخخخخخخخخخ سلمت والحمدلله.. خيره بس عاد نسيت كم رفعوه
لا لندن ولا غيره .. هي وبعد قالولي اذا حد احتاج خلايا و خلايا بنتي طابقت خلايا المريض بيتصلون يستاذنون و ياخذون موافقتي و اذا ما وافقت ع كيفي و اذا وافقت بيحتفظون بدم حبل الياهل الجديد مجااااااانااااااااا
ودمتم سالمين
و عليكم السلام و الرحمة
تسلمين على المشاركة اختي دانتيل
انا الي ما اخلاني اسوي في البلاد لانه ما كان شي هاك اليوم مركز لهم ( يعني بعدهم خبر خير ) … سووه عقب ما ربيت ب6 شهور …
و الحمدلله انه صار لنا مركز في دبي عشان تستفيدن منه باقي الحوامل و المرابي …
و بالنسبة للخوف من انهم يتصرفون فيه برا .. ما اظن الغالية … ولا جان محد سافر تعالج برا حتى … و انا متوكلة على الله الحمدلله … و على اساس اني استخدمه قريب … و الله كريم
افكر جديا اني استخدم هالطريقة.. انشالله اتفيدنا وتفيد عيالنا في المستقبل.. ويقولج دم شخص واحد من العائلة يكفي لمعالجة العائله كاملة … يعني مب كل بيبي لازم اتسويلة نفس الشي